آروگیہ کوچا۔108ایمبو لینس سرویس کو ترقی دی جا ئے گی ، جدید ٹکنا لوجی کے ذریعہ منصوبہ کو حکومت کی منظوری حاصل: ڈاکٹر سدھا کر
بنگلورو،24؍فروری(ایس او نیوز؍ایجنسی)ریاستی وزیر برائے صحت و طبی تعلیم ڈاکٹر کے سدھار کر نے بتا یا کہ ریاست میں ایمرجنسی طبی خدمات کو مضبوط کرنے آرو گیہ کوچا۔108 خدمات کو جدید ٹکنا لوجی کے ذریعہ ترقی دینے کی اسکیم کو ریاستی حکومت نے انتظامی منظوری دی ہے۔
انہوں نے بتا یا کہ جدید طبی خدمات کی مانگ کے تحت ایمبولنس خدمات کی ترقی بھی ضروری ہے، اس لئے نئے طرز کی ایمبو لنس خدمات فراہم کرنے کا حکومت نے فیصلہ کیا ہے۔ انہوں نے کہا کہ حکومت نے ایمبو لینس خدمات میں سدھار لانے جدید ٹکنا لو جی اپنا نے کا فیصلہ کیا ہے۔انہوں نے بتا یا کہ قو می طبی مہم کے رہنما خطوط کے مطابق ایک لاکھ کی آبادی کے لئے ایک بیسک لائف سپورٹ ایمبو لینس(بی ایل ایس) اور فی کس 5لاکھ آبادی کے لئے ایک اڈوانسڈ لائف سپورٹ ایمبو لینس کی ضرورت ہے۔ انہوں نے بتا یا کہ ایک ایمبو لینس 24گھنٹوں میں 4 سے زیادہ معا ملات کی دیکھ بھال کرے اور120کلو میٹر سے زیادہ فاصلہ طے کرے تو ایسے مقام پر ایک اور ایمبو لینس کی فراہمی ضروری ہے۔انہوں نے بتا یا کہ موجودہ ایمبو لینس کی تعداد710سے بڑھا کر 750کرنے کا فیصلہ کیا گیا ہے جس میں 40فیصد اے ایل ایس اور 60فیصد بی ایل ایس ہوں گے۔ انہوں نے بتا یا کہ حکومت نے نئے380 ایمبو لینس خریدنے کا فیصلہ کیا ہے جن میں 340قدیم ایمبو لنس کی جگہ لیں گے بقیہ40نئے ہوں گے۔
ڈاکٹر سدھا کر نے بتا یا کہ عوام اور ایمبو لینس عملہ کے درمیان پل کا کام کرنے والے کمانڈ سنٹر کو ترقی دینے کا فیصلہ کیا گیا ہے،جس کے تحت کال سنٹر میں عملہ کی تعداد 54سے بڑھا کر75کی جا ئے گی۔انہو ں نے بتا یا کہ کمانڈ سنٹر میں ایمبو لنس کی جی پی ایس ٹراکنگ، عملہ کی بائیو میٹرک حاضری،ایمبو لینس خدمات کی لائیو اسکمنگ،آن لائن انسانی وسائل کی دیکھ بھال،مریضوں کی خدمات کی الیکٹرانک دستاویزات،شکایات کی وصو لی و دیگر سہو لتیں شامل ہوں گی۔