مسلمانوں میں تعلیمی بیداری پیدا کرنے اور اوقافی جائیدادوں کے مسائیل کی عاجلانہ یکسوئی کا صدرکرناٹک وقف بورڈ کا تیقن؛ گلبرگہ میں صدر کرناٹک وقف بورڈ شافعی سعدی صاحب کا میڈیا سے خطاب
گلبرگہ،30؍مئی(ایس او نیوز؍راست) کرناٹک وقف بورڈنے ریاست کرناٹک کیمختلف مقامات پر طالبات کے لئے 10نئیپی یو سی کالجس قائم کرنے کا اعلان کیا ہے۔ بورڈ کے صدر نشین جناب شفیع سعدی کے صحافتی بیان کے بموجب یہ کالجس ریاست کے اضلاع گلبرگہ، یادگیر اور رائچورکے علاوہ دیگر مقامات پر قائم کئے جائیں گے۔ کل ایک صحافتی کانفرنس سے خطاب کرتے ہوئے مولانا این کے شافعی سعدی صاحب نے کہا کہ وقف بورڈ نے طئے کیا ہے کہ مسلمانوں میں تعلیم سے متعلق بیداری پیدا کرنے کا وقف بورڈ نے فیصلہ کیا ہے۔انھوں نے کہا ہے کہ مسلم نوجوانوں کو مقابلہ جاتی امتحانات آئی اے ایس اور آئی پی ایس کے لئے تیار کرنے کے لئے کرناٹک وقف بورڈ کی جانب سے ایک تمام ضروریات سے لیس کوچنگ سنٹر کی عمارتتعمیرکی جارہی ہے ۔ اس مقصد کے لئے وقف بورڈ نے لال باغ بنگلور میں 30.000مربع فیٹ اراضی بھی حاصلکرلی ہے۔ اس عمارت کی تعمیر کے لئے جون کے مہینہ میں سنگ بنیاد نصب کرنے کی تقریب منعقد کی جائیگی۔ ممتاز انسان دوست اور فیاض شخص جناب ضیا اللہ شریف نے اس مرکز کی تعمیر کے لئے اپنی جانب سے 15کروڑ روپیوں کا عطیہ دینے کا اعلان کیا ہے۔ انھوں نے بتایا کہ ریاستی حکومت نے ٹمکورمیں ایک ڈگری کالج اور ہاسٹل کی تعمیر کے لئے 2.5کروڑ روپئے منظور کئے ہیں۔ ااتوارکے دن انجمن ترقی اردو ہند شاخ گلبرگہ کے اجلاس ہال میں ایک صحافتی کانفرینس سے خطاب کرتے ہوئے ایک سوال کے جواب میں جناب سعدی نے کہا کہ وقف بورڈ کی جانب سے عنقریب اس کی ملکیت والی نئی املاک کا سروے کیا جائیگا۔ انھوں نے کہا کہ وقف جائیدادوں کو واپس لینے کا بیڑا اٹھایا گیا ہے۔ انھوں نے کہا کہ کسی بھی مسئلہ یا شکایات کے لئے واٹس اپ نمبر 9035827059پر شکایات درج کروائی جاسکتی ہیں۔ صحافتی کانفرینس میں شیخ خواجہ اتنور صدر نشین ضلع وقف مشاورتی کمیٹی، سید سرمست صدر کرناٹک اسٹیٹ مجلس ٹیپو سلطان، سعید الدین قادری نائب صدر ضلع وقف مشاورتی کمیتی یادگیر، صدام حسین ڈائیریکٹر کے ایم ڈی سی بنگلور، اسسٹنٹ انجنئیر غلام محمد استاد، حضرت علی نداف ضلع وقف آفیسر گلبرگہ خواجہ گیسو دراز موظف محکمہ تعلیمات اور مرزا انور بیگ سماجی کارکن موجود تھے۔