گروسدھیندرا کالج بھٹکل اور جے جی کالج ہبلی نے جیتا کرناٹکا یونیورسٹی شٹل بیڈمنٹن زونل چمپئین کا خطاب؛ بھٹکل انجمن کو سوم مقام
بھٹکل:20؍فروری (ایس او نیوز) یہاں انجمن ڈگری کالج بھٹکل کے زیراہتمام روٹری کلب میں منعقدہ دو روزہ کرناٹکا یونیورسٹی دھارواڑ سے ملحق کالجوں کے درمیان مردوں اور عورتوں کے زونل لیول شٹل بیڈمینٹن ٹورنامنٹ میں شری گرو سدھیندرا کالج بھٹکل اور جے جی کالج ہبلی نے زبردست پرفارمینس پیش کرتے ہوئے بالترتیب مردوں اور عورتوں کا خطاب جیتنے میں کامیاب ہوگئے ہیں۔
مردوں میں بھٹکل کی گروسدھیندرا کالج چمپئین شپ حاصل کرنے میں کامیاب رہی تو وہیں عورتوں کے مقابلوں میں ہبلی جے جی کالج آف کامرس نے شاندار کامیابی درج کرتے ہوئے چمپئن شپ حاصل کیا۔ ایس ڈی ایم کالج ہوناور نہ صرف مردوں بلکہ عورتوں کے زونل لیول مقابلوں میں بھی دوسرا مقام حاصل کرنے میں کامیاب ہوئی۔
مردوں کے مقابلوں میں سی ایس آئی کالج آف کامرس دھارواڑ نے تیسرا مقام حاصل کیا۔جبکہ خواتین کے زمرے میں انجمن ڈگری کالج بھٹکل کو سوم مقام حاصل ہوا۔
انجمن حامئی مسلمین بھٹکل کے نائب صدر عبدالر حیم دامودی نے انعامی تقریب کی صدارت کی،مہمانوں کے ہاتھوں جیت حاصل کرنے والی ٹیموں کے درمیان انعامات کی تقسیم کی گئی ۔ اس موقع پر کالج بورڈ سکریٹری محمد محسن شاہ بندری ، پرنسپال مشتاق شیخ، فزیکل ڈائرکٹر کے کلیم اللہ ، آرگنائزنگ سکریٹری پروفیسر ایم ایم جمعدار ، اشتیاق رکن الدین، شری نواس پڈیار وغیرہ موجود تھے۔
19فروری بروز منگل کو منعقدہ افتتاحی تقریب میں کرناٹکا قانون یونیورسٹی ہبلی کےفزیکل ایجوکیشن ڈائرکٹر ڈاکٹر خالد خان اور بھٹکل کمیونٹی جدہ کے صدر محمد یسین عسکری مہمان خصوصی کے طورپر موجود تھے۔ انجمن کے جنرل سکریٹری صدیق اسماعیل، ایڈیشنل جنرل سکریٹری اسحق شاہ بندری و دیگر ذمہ داران بھی افتتاحی تقریب میں موجود تھے۔
