کاروار ،22؍ مئی (ایس او نیوز) ریاستی حکومت کی طرف سے جاری ہدایت کے مطابق 22 مئی سے 18 تا 44 سال عمر کے لوگوں کو کووڈ کا ٹیکہ لگایا جائے گا۔ ضلع ڈپٹی کمشنر مولئی موہیلن کے مطابق حکومت کی طرف سے نشاندہی کیے گئے فرنٹ لائن ورکرز کو ترجیحی بنیاد پر ٹیکہ لگاتے ہوئے اس ٹیکہ کاری مہم کا آغاز کیا جائے گا۔ اور آئندہ دنوں میں مرحلہ وار مختلف گروہوں کی ٹیکہ کاری کی جائے گی۔

مختلف فرنٹ لائن ورکرز اور گروہوں کی نشاندہی نوڈل افسران کو کر دی گئی ہے، اس لئے ان طبقات اور زمروں کی سہولت کے مطابق مناسب مقامات پر ٹیکہ کاری کا انتظام کیا جائے گا۔

ضلع شمالی کینرا میں 22 مئی سے جو ٹیکہ کاری مہم چلے گی اس میں اخباروں اور میڈیا ہاوس کے نمائندوں اور عدالتوں سے متعلقہ افسران و عملہ میں موجود 18 تا 44 سال والوں کو ضلع کے تمام سرکاری اسپتالوں میں  ٹیکہ لگایا جائے گا۔ اس کے علاوہ کاروار اور سرسی کی جیل میں موجود قیدیوں کی بھی ٹیکہ کاری کی جائے گی۔