ریاست میں 15دن ”آروگیہ کرناٹک مہم“: ڈاکٹر سدھاکر
بنگلورو،19؍ستمبر (ایس او نیوز) ریاستی وزیر برائے صحت وخاندانی بہبود ڈاکٹر کے سدھاکر نے بتایا کہ وزیر اعظم نریندر مودی کا جنم دن، گاندھی جینتی اور دین دیال اپا دھیا یا جینتی کے پیش نظر 2 اکتوبر تک 15دن آروگیہ کرناٹک مہم چلائی جارہی ہے۔ یہاں بی ایم سی آر آئی میں خون کا عطیہ،وزیر اعظم کی ٹی بی سے پاک ہندوستان مہم، آروگیہ کرناٹک مہم کا افتتاح کرتے ہوئے ڈاکٹر سدھاکرنے نے یہ جانکاری دی۔
انہوں نے کہا کہ سرکاری طبی مراکز میں ہر ایک طبی جانچ مفت ہے اور عوام کو چاہئے کہ ہر سال مفت طبی جانچ کروائیں۔ انہو ں نے بتایا کہ آروگیہ کرناٹک مہم کے دوران ذیابیطس، بلڈ پریشر، کینسر سمیت متعدی امراض کا شکار افراد کی تعداد کا پتہ لگایا جائے گا اور عوام کو طرز زندگی میں تبدیلی لانے بیدار کیا جائے گا۔ انہو ں نے بتایا کہ عوام کا مقصد امراض پر قابو پانا ہے جن کے لئے اس مہم میں آشا کارکنوں کو استعمال کیا جارہا ہے، جنہیں ہدایت دی گئی ہے کہ 15تا 20لاکھ بچوں کے آنکھوں کا معائنہ کریں۔
انہوں نے بتایا کہ ریاست میں طبی مراکز قائم کئے گئے ہیں جن میں تقریباً 5ہزار افسران خدمت انجام دے رہے ہیں۔ دیہی علاقوں میں بھی مراکز کو قائم کیا گیا ہے۔ انہو ں نے بتایا کہ ریاست 2025تک جذام سے پاک قرار دینے کا منصوبہ ہے۔ ریاست میں 36ہزارروپئے اور تغذیہ فراہم کی جارہی ہے۔ڈاکٹر سدھاکر نے بتایا کہ مہم کے دوران 100دنوں میں 5کروڑ آیوشمان آروگیہ کرناٹک طبی کارڈ تقسیم کرنے کا نشانہ مقرر کیا گیا ہے۔