بنگلورو، 25؍اگست (ایس او نیوز؍ایجنسی) مرکز سے مرتب نئی قومی تعلیمی پالیسی نافذ کرنے میں کرناٹک ملک بھر میں پہلی ریاست ہوگی۔ ریاستی نائب وزیر اعلیٰ ڈاکٹر سی ایس اشوتھ نارائن جو ریاست کے وزیر اعلیٰ تعلیم بھی ہیں نے یہ بات کہی۔

بنگلورو یونیورسٹی کی قومی تعلیمی پالیسی کی اہم جھلکیاں اور اس پالیسی کو نافذ کرنے سے متعلق پانچ روزہ آن لائن پروگرام کا افتتاح کرنے کے بعد خطاب کرتے ہوئے کہا کہ مرکزی حکومت کی جانب سے مرتب نئی قومی تعلیمی پالیسی کو نافذ کرنے والی ملک میں پہلی ریاست کرناٹک ہے۔

انہوں نے بتایا کہ ریاست میں نئی قومی تعلیمی پالیسی نافذ کرنے سے شعبہ تعلیم مزید مستحکم ہوگا۔ انہوں نے بتایا کہ ملک کے مختلف ریاستوں میں الگ الگ تعلیمی پالیسی پر عمل ہورہا تھا ۔ اب تمام ریاستوں میں اس قومی تعلیمی پالیسی پر عمل کرنا ضروری ہوگا۔