بنگلورو،10؍ستمبر (ایس او نیوز؍ایجنسی) اسکول یونیفارم میں فارغ ہوجانے پر برہم ایک ٹیچر نے دوسری جماعت کے طالب علم پر گرم پانی انڈیلنے کی واردات پیش آئی ہے جس کے نتیجہ میں طالب علم 40 فیصد تک جھلس گیاہے۔

ذرائع سے ملی اطلاع کے مطابق واردات جمعہ کو رائچور کے موضع سنتیکلور کے ایک پرائمری اسکول میں پیش آیا۔

 اکھیت نامی طالب علم کو لنگسگور تعلقہ کے ہاسپٹل میں شریک کرایا گیا ہے اس کی حالت نازک بتائی جاتی ہے۔ ٹیچر ہلی گپا اس وقت برہم ہوگیا تھا جب اسے پتہ چلا کہ اکھیت نے اپنے کپڑوں میں گندگی کرلی جس پر ناراض ٹیچر نے لڑکے پر کھولتا ہوا پانی ڈال دیا۔

ذرائع نے بتایا کہ لڑکے کے خاندان کو اس واقعہ کے خلاف شکایت نہ کرنے کی دھمکی دی گئی ہے۔ اکھیت کے والدین کو مقامی قائدین سے فون کالس موصول ہوئے تھے۔ پولیس نے کہا ہے کہ شکایت درج کرائے جانے تک وہ کچھ نہیں کرسکتے۔