کوروناکاقہر جاری،کرناٹک میں ایک ہی دن 21اموات، 24گھنٹوں کے دوران بنگلورومیں 994سمیت جملہ 1694کووڈکاشکار
بنگلورو،4؍جولائی(ایس او نیوز) ریاست میں آج ایک ہی دن کوروناوائرس کی زدمیں آکر21مریض ہلاک ہوگئے جبکہ 1694 کووڈمعاملات کا پتہ چلاہے۔ کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتاجارہاہے، کرناٹک میں ان لاک 2۔میں غیرمعمولی نرمی کی وجہ سے 24 گھنٹوں کے دوران کورونا متاثرین کی اموات میں تشویشناک حد تک اضافہ دیکھاجارہاہے،چوبیس گھنٹوں میں جملہ 21افرادہلاک ہونے کی اطلاع محکمہ صحت نے دی ہے۔کرناٹک میں آج ایک ہی دن کوروناوائرس کے پازیٹیومعامالات کی تعداد1694ریکارڈکی گئی ہے۔
ریاستی محکمہ صحت کی جانب سے جاری تازہ جانکاری (ہیلتھ بلیٹن) کے مطابق بروزجمعرات شام 5بجے سے بروزجمعہ شام 5 بجے تک 1694نئے کوروناکیس سامنے آئے،اس کے ساتھ ہی ریاست میں کوروناسے متاثرہونے والوں کی تعدادبڑھ کر19710ہوگئی ہے۔آج راجدھانی بنگلور میں ایک ہی دن 994معاملات پیش آئے، جملہ تعداد7173ہوگئی ہے،بنگلوراب محفوظ شہروں کے زمرے سے باہرہوکرموسٹ ڈینجر زون میں داخل ہوگیاہے۔
جن اضلاع میں کورناوائر س کے پازیٹیومعاملے سامنے آئے ان کی تفصیل اس طرح ہے۔بنگلورومیں 9945افرادکوروناوائرس سے متاثرپائے گئے،۔بلاری میں 97، دکشن کنڑامیں 97،کلبرگی میں 72، بنگلورودیہی ضلع میں 42، پازیٹیو کیس سمیت ریاست بھر میں آج 1694کوروناکے تازہ معاملات پیش آئے ہیں۔جس سے اب تک کی کورونامتاثرین کی تعداد بڑھ کر 19710ہوگئی ہے۔
ریاست بھرمیں جملہ 21 افراد کوروناسے فوت ہوگئے ہیں، ریاست میں کوروناوائرس سے علاج کے دوران اب تک مرنے والوں کی تعداد293ہوگئی ہے،جبکہ کوروناوائرس سے اب تک 8805افرادصحت یاب ہوئے ہیں جنہیں اسپتالوں سے ڈسچارج بھی کردیاگیاہے۔ ریاست میں کوروناوائر س کے ایکٹیواورفعال کیسوں کی تعداد10608ہے جبکہ 201افرادانتہائی نگہداشت وارڈ (آئی سی یو) میں زیرعلاج ہیں۔آج 471افرادڈسچارج ہوئے ہیں۔