جنسی ہراسانی معاملے میں کرناٹک کے لنگایت سوامی شیومورتی موروگا شرن گرفتار

Source: S.O. News Service | By I.G. Bhatkali | Published on 1st September 2022, 11:59 PM | ریاستی خبریں |

چتردرگہ  یکم ستمبر(ایس او نیوز) لنگایت سماج سے تعلق رکھنے والے موروگا مٹھ کے سوامی شیومورتی موروگا شرن کو پوکسو ایکٹ کے تحت آج جمعرات رات دس بجے گرفتار کرلیا گیا۔ ان پر دو لڑکیوں نے جنسی ہراسانی کا الزام عائد کیا تھا۔

چتردرگہ کے ایس پی نے اخبارنویسوں کو  بتایا کہ مروگا شرن کو تحویل میں لےکر پوچھ گچھ کی گئی  ہے۔ ڈسٹرکٹ سپرنٹنڈنٹ آف پولیس کے پرشورام نے بتایا کہ انہیں میڈیکل چیک اپ کے لیے ضلع اسپتال کی نئی عمارت میں لے جانے کی تیاریاں کی گئی ہیں۔

پولس کی تفتیشی ٹیم، جو بڑی تعداد میں موروگا مٹھ پہنچی تھی، نے موروگا شرن کو اپنی تحویل میں لے لیا اور سخت حفاظتی انتظام میں نامعلوم مقام پر لے گئے۔ پتہ چلا ہےکہ  تفتیشی افسر ڈی وائی ایس پی انیل کمار کی قیادت میں پوچھ تاچھ کی گئی۔ اس سے قبل تفتیشی ٹیم نے جمعرات کو کیس کے دوسرے ملزم ہاسٹل وارڈن کو گرفتار کیا تھا۔

بتایا گیا ہے کہ مٹھ میں تعلیم حاصل کرنے والی دو طالبات  نے میسور کے ایک غیر سرکاری ادارہ سے رابطہ کرتے ہوئے مبینہ طور پرزیادتی کی شکایت کی تھی۔26 اگست کو دونوں لڑکیوں کو میسور چائلڈ ویلفیئر کمیٹی کے سامنے پیش کیا گیا، پھراسی رات نظر آباد پولیس اسٹیشن میں مروگا شرن اور پانچ دیگر کے خلاف پوکسو ایکٹ کے تحت مقدمہ درج کیا گیا۔

یہ کیس 27 اگست کو میسور سے چتردرگا دیہی پولیس اسٹیشن منتقل کیا گیا تھا۔ یہاں سوامی کے خلاف درج فہرست ذات اور درج فہرست قبائل (مظالم کی روک تھام) ایکٹ کے تحت بھی مقدمہ درج کیا گیا تھا۔ 

بتاتے چلیں کہ سوامی نے دعویٰ کیا تھا کہ ان کے خلاف الزامات ایک طویل سازش کا حصہ ہیں مگر وہ قانون کے پابند ہیں اور تحقیقات میں تعاون کریں گے۔

اُدھر دوسری طرف سوامی کے خلاف معاملہ درج کئے جانے کے باوجود گرفتار نہ کرنے پر تین چار دنوں سے ریاست کے مختلف حصوں میں مختلف تنظیمیں احتجاج کر رہی تھیں اورموروگا شرن کو گرفتار کرنے کا مطالبہ کررہی تھیں۔

سوامی کو گرفتار کرنے سے پہلے ہی مٹھ کے ارد گرد پولیس کی بھاری نفری تعینات کر دی گئی تھی، بتایا گیا ہے کہ اب بھی وہاں پولس کی سخت چوکسی لگائی گئی ہے۔

ایک نظر اس پر بھی

بجٹ 2023: ’کوئی امید نہیں، بجٹ ایک بار پھر ادھورے وعدوں سے بھرا ہوگا‘، سدارمیا کا اظہارِ خیال

یکم فروری کو مرکز کی مودی حکومت رواں مدت کار کا آخری مکمل بجٹ پیش کرنے والی ہے۔ مرکزی وزیر مالیات نرملا سیتارمن کے ذریعہ بجٹ پیش کیے جانے سے قبل بجٹ 2023 کو لے کر کانگریس کے کچھ لیڈران نے اپنے خیالات ظاہر کیے ہیں۔

کرناٹک ہائی کورٹ کی وارننگ، کہا: چیف سکریٹری دو ہفتوں میں لاگو کرائیں حکم

کرناٹک ہائی کورٹ نے منگل کو انتباہ دیا کہ اگر ریاستی حکومت دو ہفتوں کے اندر سبھی گاؤں اور قصبوں میں قبرستان کے لئے زمین فراہم کرانے کے اس کے حکم پر عمل درآمد کرنے میں ناکام رہتی ہے تو وہ چیف سکریٹری کے خلاف توہین عدالت کی کارروائی شروع کرنے پر مجبور ہوجائے گا ۔

منگلورو: محمد فاضل قتل میں ہندوتوا عناصر ملوث ہونے کا دعویٰ - اپوزیشن پارٹیوں نےکیا کیس کی دوبارہ جانچ کامطالبہ 

بی جے پی یووا مورچہ لیڈر پروین نیٹارو قتل کے بدلے میں عناصر کی طرف سے سورتکل میں محمد فاضل کو قتل کرنے کا کھلے عام دعویٰ کرنے والے وی ایچ پی اور بجرنگ دل لیڈر شرن پمپ ویل کے خلاف کانگریس ، جے ڈی ایس اور ایس ڈی پی آئی جیسی اپوزیشن پارٹیوں نے اس قتل کیس کی ازسر نو جانچ کا مطالبہ کیا ...

ٹمکورو میں اشتعال انگیز بیان دینے والے شرن پمپ ویل سمیت دیگر ہندوتوا لیڈروں کے خلاف قانونی کارروائی کا مطالبہ لے کر اے پی سی آر نے ایس پی کو دیا میمورنڈم

حال ہی میں ریاست کرناٹک کے  ٹمکور میں  منعقدہ شوریہ یاترا کے دوران وی ایچ پی لیڈر شرن پمپ ویل نے جو متنازع اور اشتعال انگیز بیان دیا  تھا ، اس پر کٹھن کارروائی کرتے ہوئے اسے گرفتارکرنے کا مطالبہ لے کر  ایسوسی ایشن فار پروٹیکشن آف سوِل رائٹس (اے پی سی آر) کے  ایک وفد نے ٹمکورو ...