سیکولر طاقتیں بی جے پی کے سامنے ہتھیا ر نہیں ڈالیں گے: ڈاکٹر تسلیم رحمانی 

Source: S.O. News Service | By Shahid Mukhtesar | Published on 3rd September 2019, 11:30 AM | ریاستی خبریں |

بنگلورو،3/ستمبر (پریس ریلیز/ایس او نیوز) سوشیل ڈیموکریٹک پارٹی آف انڈیا (SDPI) ریاست کرناٹک کے ہیڈ کوارٹرس میں منعقد ایک پریس کانفرنس سے خطاب کرتے ہوئے ایس ڈی پی آئی قومی سکریٹری ڈاکٹر تسلیم احمد رحمانی نے کہا کہ بی جے پی آئینی اداروں کا غلط استعمال کرکے سیکولر رہنماؤں کو دھمکیا ں دے رہی ہے۔ تاہم، ایس ڈی پی آئی سمیت ملک کی تمام سیکولر طاقتیں بی جے پی کے سامنے کھبی ہتھیار نہیں ڈالیں گے۔ ڈاکٹر تسلیم احمد رحمانی نے مزید کہا کہ ملک میں غیر اعلانیہ ایمرجنسی کی صورتحال ہے۔ سابق وزیر داخلہ پی چدمبرم کو سی بی آئی نے جیل کے سلاخوں کے پیچھے دکھیل دیا ہے اور حکومت دوسرے رہنماؤں کو بھی اسی طرح دھمکانے کی کوشش کررہی ہے۔ حکومت کے ناانصافیوں کے خلاف جو بھی آواز اٹھاتا ہے حکومت انہیں آہنی ہاتھ سے دباتی ہے۔ ہمیں بی جے پی اور آرایس ایس کے خطرے سے نمٹنے کیلئے نظریاتی جدوجہد کی ضرورت ہے اور اس لڑائی میں ہم ضرور کامیاب ہونگے۔ ڈاکٹر تسلیم احمد رحمانی نے معاشرے کو انتباہ کرتے ہوئے کہا کہ اگر آر ایس ایس اور بی جے پی پر قابو نہیں پایا گیا تو تباہی کے دن دور نہیں ہیں۔ پریس کانفرنس میں صحافیوں کے ایک اور سوال کا جواب دیتے ہوئے ڈاکٹر تسلیم احمد رحمانی نے کہا کہ بی جے پی ملک میں ووٹ بینک کی سیاست کررہی ہے۔ لوگوں کو چاہئے کہ وہ اپنے کمفورٹ زون سے باہر نکل کر بی جے پی کے خلاف آواز اٹھائیں۔ اگر ایسا نہیں کیا تو سبھی اس اژدھے کے جال میں پھنس جائیں گے۔ بی جے پی حکومت اور اس کے قائدین اس ملک میں لاقانونیت اور فاشسٹ منوادی ریاست میں تبدیل کرنے کیلئے اتنی جلدی میں ہیں کہ انہیں اس ملک کی جمہوری یا آئینی اقدار کے بارے میں کوئی احترام اور تشویش نہیں ہے۔ ڈاکٹر تسلیم احمد رحمانی نے کہا کہ کالے قوانین کے ذریعے جو سازشیں کی جارہی ہیں اس کے بارے میں ہم لوگوں میں آگاہی پیدا کریں گے۔ ایس ڈی پی آئی ریاستی صدر الیاس محمد تمبے نے اخباری نمائندوں سے بات کرتے ہوئے کہا کہ میڈیا کو موجودہ صورتحال پر پوری ایمانداری کے ساتھ روشنی ڈالنے کا کام کرنا چاہئے۔ نیز میڈیا کو چاہئے کہ دن کے اجالوں میں عوام پر ستم ڈھانے والی حکومتوں کے بدصورت چہروں کا انکشاف کرکے ملک کی جمہوریت کو بچانے کی کوشش کریں۔ الیاس محمد تمبے نے میڈیا سے اپیل کرتے ہوئے کہا کہ میڈیا معاشرے کے محروم، مظلوم اور پسماندہ طبقات کے مفادات کے تحفظ کیلئے نمایاں کردار ادا کرے۔ پریس کانفرنس میں ایس ڈی پی آئی ریاستی سکریٹری اکرم حسن، ریاستی نائب صدر اڈوکیٹ عبدالمجیدخان، میڈیا کوآرڈنیٹر ابرار احمد اور دیگر موجود تھے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔