بنگلورو13جنوری(آئی این ایس انڈیا) کرناٹک میں کابینہ میں توسیع کو لے کر بھارتیہ جنتا پارٹی (بی جے پی) میں گھمسان مچ گیا ہے۔ بی جے پی کے کچھ ایم ایل اے نے کھل کر بغاوت کی ہے۔ پارٹی کے ایم ایل اے باسانگوڈا یتنل نے وزیراعلیٰ بی ایس یدیورپا پر سنگین الزامات لگائے ہیں۔

انہوں نے کہاہے کہ یدیورپا کو سیاست سے سبکدوش ہونا چاہیے۔ جو بھی بلیک میل کرتا ہے یا رقم دیتا ہے، اسے وزیربنایاجاتا ہے۔ اس کے لیے ایک کوٹہ ہے۔ باسانگوڈا یتنل نے بتایاہے کہ یہاں ایک سی ڈی کوٹہ ہے اور یہاں ایک سی ڈی کے علاوہ پیسہ کوٹہ ہے۔بسانگودا یتنال کا خوفناک حملہ یہاں نہیں رکا۔ انہوں نے مزیدکہاہے کہ وزیراعلیٰ کو سی ڈی کے ذریعے بلیک میل کیاگیا ہے۔ اسی دوران بی جے پی کے ایک اور ایم ایل اے، کالاکاپا بانڈی نے بھی کابینہ میں توسیع پر برہمی کا اظہار کیاہے۔

انہوں نے کہا کہ میں پارٹی کا وفادار سپاہی ہوں۔ میں کابینہ میں توسیع سے خوش نہیں ہوں۔ اس پر توجہ دینے کی ضرورت ہے۔وزیراعلیٰ بی ایس یدیورپا طویل عرصے سے کابینہ کی توسیع کرنا چاہتے تھے۔ آج 7 نئے وزراکی حلف برداری ہوئی ہے۔کرناٹک کے بی جے پی کے بہت سے رہنما وزراء کے ناموں پر ناراض ہیں۔