کرناٹک میں 5199 کورونا متاثرین کی نشاندہی ، 82 اموات

Source: S.O. News Service | Published on 27th July 2020, 12:01 PM | ریاستی خبریں | ان خبروں کو پڑھنا مت بھولئے |

بنگلورو ،27؍جولائی (ایس او نیوز) کرناٹک میں کورونا متاثرین کی تعداد میں دن بدن اضافہ ہوتا جا رہا ہے۔ اب یہ تعداد ایک لاکھ سے قریب ہوتی نظر آرہی ہے۔ ہفتہ اور اتوار کے درمیان ریاست میں 5199 کورونا وائرس کے نئے معاملوں کی نشاندہی کی گئی ۔ اس کے ساتھ ہی ریاست میں کورونا متاثرین کی تعداد بڑھ کر 96141 تک پہنچ گئی ۔ 82 تازہ اموات سے اب تک اس مہلک مرض سے مرنے والے 1878 ہوگئے ۔

محکمہ صحت و خاندانی بہبود کی طرف سے جاری اعداد و شمار میں بتایا گیا  ہے کہ شہر بنگلورو میں گزشتہ 24 گھنٹوں کے دوران 29 افراد کی موت ہوئی۔ بنگلورو میں 1950 نئے متاثرین کی نشاندہی دی کی گئی ہے۔ اس کے علاوہ بیلاری میں 579، میسورو میں 230 ، بنگلورو رورل میں 213 ، دکشن کنڑا میں 199، اُڈپی میں 169 ، دھارواڑ میں 165 ، ہاسن میں 164 ، بیلگاوی میں 163، کلبرگی میں 152، وجئے پور میں 132، رائچور میں 131، داونگیرے میں 89، اُتر کنڑا میں 88 ، چکبالاپور میں 81 ، بیدر میں 77، منڈیا میں 64، گدگ میں 61، چکمگلورو میں 61 ، یادگیر میں 56، چترادرگہ میں 53 ، کولار میں 49، ہاویری میں 47، ٹمکورو میں 46 باگل کوٹ میں 41، کوپل میں 40، شیموگہ میں 39، چامراج نگر میں 28، کورگ میں 20 اور رام نگر میں 15 معاملے شامل ہیں۔

ایک نظر اس پر بھی

کانگریس اور جے ڈی ایس لینڈریفارم ترمیمی ایکٹ کی سخت مخالف، کسانوں کے حقوق اورزمین کی حفاظت کیلئے جدوجہدکریں گے:سدارامیا

کسانوں کے حقوق کے ساتھ ان کی زمینوں سے بھی بے دخل کرنے پرآمادہ ریاستی حکومت کے لینڈریفارم ایکٹ کے ترمیمی مسودہ کے خلاف اسمبلی سیشن میں نہایت سختی کے ساتھ آوازاٹھائیں گے۔

یلاپورمیں بھیانک سڑک حادثہ؛ لاری کی ٹکر میں کار پر سوار چاروں لوگ ہلاک

 ضلع اُترکنڑا کے یلاپور نیشنل ہائی وے پر ہوئے ایک بھیانک سڑک حادثے میں ایک ہی خاندان کے چار افراد جائے وقوع پر ہی ہلاک ہوگئے جن کی شناخت  روی نائر (58)، پشپا روی نائر (55)، ہریندرناتھ نائیر (62) اور پدماکشی نائیر (86) کی حیثیت سے کی گئی ہے۔

مودی-نتیش قسم کسانوں کی کھاتے ہیں اور دوستی سرمایہ داروں سے نبھاتے ہیں: کانگریس

کانگریس جنرل سکریٹری اور پارٹی کے میڈیا سیل انچارج رندیپ سنگھ سرجے والا نے جمعرات کو پٹنہ میں زرعی بلوں کو لے کر مرکزی حکومت اور حکومت بہار کے خلاف محاذ کھولتے ہوئے کہا کہ مودی جی اور نتیش بابو قسم کسانوں کی کھاتے ہیں اور دوستی مٹھی بھر سرمایہ داروں سے نبھاتے ہیں۔