کرناٹک میں کورونا کے 453 نئے کیس ، بنگلورو میں 196 نئے معاملے
بنگلورو، 22؍ جون (ایس او نیوز) کرناٹک میں کورونا متاثرین کی تعداد میں بے تحاشہ اضافے کا سلسلہ اتوار کے روز بھی جاری رہا ۔ گزشتہ 24 گھنٹوں کے دوران ریاست بھر سے 453 لوگوں کے کورونا پوزیٹیو ہونے کی رپورٹ موصول ہوئی ہے جن میں سے 196 معاملے بنگلورو سے ہیں۔ اتنی بڑی تعداد میں معاملات کے نیتجے میں ایک بار پھر بنگلورو میں 1272 کیسوں سے سر فہرست ہوگیا ہے۔ ریاست بھر میں 5 اموات کی بھی اطلاعات ملی ہیں۔ کلبرگی میں 39 ، بیلاری میں 40 ، وجئے پورہ میں 39 معاملات سامنے آئے ہیں۔ ان کے علاوہ یادگیر میں 3 ، بیدر میں 13، رائچور میں 2 ، دکشن کنڑا میں 7، منڈیا میں 5، ہاسن میں 5، داونگیرے میں 8، دھارواڑ میں 15، میسورو میں 18، اُتر کنڑا میں 8، چکبالاپور میں 3، باگل کوٹ میں 14، شیموگہ میں 2، رام نگرم میں 2، گدگ میں 18، کولار میں 8 اور ٹمکورو میں 4 معاملے سامنے آئے ہیں۔
ریاست میں اب تک کورونا کے سبب مارے گئے افراد کی تعداد 32 ہوگئی ہے۔ جملہ متاثرین کی تعداد اتوار کو 9 ہزار سے متجاوز ہو کر 9150 تک پہنچ گئی ہے ان میں سے 5616 صحت یاب ہوچکے ہیں او ر 3398 مختلف اسپتالوں میں زیر علاج ہیں۔ ریاست میں کے تین اضلاع بنگلورو اربن کلبرگی اور اُدپی میں متاثرین کی تعداد ایک ہزار سے متجاوز ہوچکی ہے۔