بنگلورو، 15؍جولائی (ایس او نیوز) ریاست کرناٹک میں کورونا وائرس کا پھیلاؤ تیز ہوتا جارہا ہے پچھلے 24 گھنٹوں میں 2496 افراد پوزیٹیو پائے گئے ہیں اور 87 افراد ہلاک ہوئے ہیں۔ اس طرح متاثرین کی کل تعداد 44077 ہوگئی ہے۔ مہلوکین کی کل تعداد 842 ہے۔ بنگلورو شہر ضلع میں 24 گھنٹوں میں 56 اموات ہوئی ہیں اور 1267 کورونا پوزیٹیو معاملات رونما ہوئے ہیں۔ اسی طرح بیلاری5، وجئے پورہ3، باگل کوٹ 4، چامراج نگر 2، میسورو 4، دکشن کنڑا4، چکمگلورو 3، رائچور2، کلبرگی ، دھارواڑ، داونگیرے ، ہاسن فی کس 1 فرد ہلاک ہوا ہے۔

کورونا متاثرین کی مختلف اضلاع میں تعداد حسب ذیل ہے: میسورو 125، کلبرگی 121، دھارواڑ 100، بیلاری99، کوپل 98، دکشن کنڑا 91، باگل کوٹ 78، اُڈپی 73 ، بیلگاوی 64، اُتر کنڑا 64، وجئے پورہ52، ٹمکورو 47، بیدر 42، منڈیا 31، رائچور 25، داونگیرے 17، بنگلورو دیہی ضلع 14، چکبالاپور 13، کولار 11، شیموگہ 10، کورگ 10، چترادرگہ 10 گدگ 9، چامراج نگر 8، ہاسن 4، چکمگلورو 3، یادگیر 2 اور رام نگر 1۔

ریاست میں 44077 متاثرین میں سے 17390 افراد شفایاب ہو کر رخصت ہوئے ہیں۔ ایک ہی دن 1142 افراد اسپتالوں سے رخصت ہوئے ہیں۔ 842 ہلاک ہوئے ہیں۔ 25839 زیر علاج ہیں۔ محکمہ صحت خاندانی بہبود نے یہ اطلاع دی ہے۔