کرناٹکا میں ایک ہی دن میں پانچ ہزار سے زائد کوویڈ معاملات کا سلسلہ ہنوز جاری؛ اب تک دو ہزار سے زائد لوگ موت کا شکار؛ اُترکنڑا میں آج کورونا کے 75 معاملات

Source: S.O. News Service | By I.G. Bhatkali | Published on 29th July 2020, 8:10 PM | ساحلی خبریں | ریاستی خبریں |

بھٹکل 29 جولائی (ایس او نیوز) کرناٹک میں کورونا کے پانچ ہزار سے زائد معاملات سامنے آنے کا سلسلہ بدستور جاری ہے، کل منگل کو  ریاست میں  5,536 پوزیٹیو معاملات سامنے آئے تھے تو آج بدھ کو  5503 کورونا کے معاملات  کا پتہ چلا ہے۔ ہر روز پانچ پانچ ہزار رپورٹس پوزیٹیو آنے کی وجہ سے ریاست کے عوام میں  تشویش بڑھتی جارہی ہے اور  کورونا پر قابو پانے میں ناکامی کے اسباب پر عوام  میں چہ مگوئیاں جاری ہیں۔

آج پھر ایک بار ریاست کے صدر مقام بنگلور میں سب سے زیادہ یعنی 2270 کورونا پوزیٹیو کی تصدیق ہوئی ہے جبکہ کل یہاں 2819 معاملات درج کئے گئے تھے۔ آج بھی ریاست کے مختلف اضلاع سے  کورونا سے اموات کی خبریں موصول ہوئی ہیں، ہیلتھ بلٹین کے مطابق آج بدھ کو  ایک ہی 92 لوگ کورونا سے  اپنی زندگی کی بازی ہار گئے ہیں، جس کے ساتھ ہی کرناٹک میں اب تک کورونا سے مرنے والوں کی تعداد بڑھ کر  2147 کو پہنچ گئی ہے۔

آج بلاری میں 338،   بیلگاوی میں 279، داونگییرے میں 225،  دکشن کنڑا میں 208 اور میسور میں 200 کورونا پوزیٹیو معاملات کی تصدیق کی گئی ہے۔جبکہ دیگر چھ اضلاع میں بھی آج ایک ہی دن  سو سے زائد کورونا کے معاملات درج کئے گئے ہیں۔

2397 صحتیاب ہوکر ڈسچارج:   ایک طرف  آج پانچ ہزار سے زائد لوگوں کی کورونا رپورٹ پوزیٹیو آئی ہے تو وہیں آج ریاست کے مختلف اضلاع سے  جملہ 2397 لوگ صحت یاب ہوکر ڈسچارج بھی ہوئے ہیں۔

اُترکنڑا میں 75 پوزیٹیو:   محکمہ ہیلتھ کی جانب سے جاری کردہ رپورٹ کے مطابق آج اُترکنڑا میں کورونا کے 75 پوزیٹیو معاملات درج کئے گئے جس میں سب سے زیادہ  معاملات  ہلیال میں 36 درج کئے گئے ہیں۔ آج سرسی میں 9، کارواراور  انکولہ میں 6، منڈگوڈ میں 7، بھٹکل اور ہوناور میں 4، جوئیڈا میں 2 اور کمٹہ اور یلاپور میں ایک ایک کی رپورٹ پوزیٹیو آئی ہے۔بھلے ہی  بلٹین کی رپورٹ کے مطابق آج بھٹکل میں چار معاملوں کی جانکاری دی گئی ہو، لیکن ذرائع سے  ملی اطلاع کے مطابق آج  بھٹکل میں کورونا کے سات معاملے درج ہوئے ہیں۔(ممکن ہے کہ کل کی ہیلتھ  بلٹین میں آج کے تین زائد معاملات جوڑے جائیں)

اُترکنڑا سے 107 لوگ صحت یاب ہوکر ڈسچارج:   آج بدھ کو اُترکنڑا کے مختلف علاقوں سے 107 کورونا متاثرین صحت یاب ہوکر اسپپتالوں یا کوویڈ کیر سینٹر سے  ڈسچارج ہوگئے ہیں۔ اس میں سب سے زیادہ ڈسچارج ہونے والے ہلیال سے ہیں، یہاں آج 78 لوگ ڈسچارج ہوئے ہیں، بھٹکل میں 15، کمٹہ میں 10، انکولہ میں 3 اور کاروار میں 1 کو ڈسچارج کیا گیا ہے۔

 

ایک نظر اس پر بھی

بھاری برسات کے وقت منگلوروایئر پورٹ پر طیاروں کو اترنے کی اجازت نہیں دی جائے گی۔ ایئر پورٹ ڈائریکٹر راؤ کا بیان

منگلورو انٹر نیشنل ایئر پورٹ کے دائریکٹر وی وی راؤ نے ایک بیان جاری کرتے ہوئے کہا ہے کہ بھاری برسات اور خراب موسم کی وجہ سے چیزیں صاف دکھائی نہ دینے کی صورت میں ایئر پورٹ پر طیاروں کو لینڈنگ کی اجازت نہیں دی جائے گی۔

کرناٹک میں تیز ہوا اور موسلا دھار بارش کا سلسلہ جاری

تیز ہوا کے ساتھ موسلا دھار بارش کا سلسلہ شمالی کرناٹک کے دوردراز اور ساحلی علاقے نیز ملناڈ خطّے میں جاری ہے۔ کچھ مقامات پر کاویری، Thungabhadra اور کرشنا ندی میں طغیانی آگئی ہے۔ بارش کے سبب Talacauvery میں مٹّی کے تودے گرے ہیں۔

کورونا متاثر مریض کی لاش کا کیا جاسکتا ہے آخری دیدار، کرناٹک حکومت نے جاری کی نئی گائیڈلائنس

کرناٹک میں کورونا کی لاشوں کے متعلق نئی گائیڈ لائنس جاری کی گئی ہیں ۔ محمکہ صحت کی جانب سے جاری کی گئی گائیڈ لائنس کے مطابق کورونا وائرس سے مرنے والوں کی لاش اب ان کے رشتہ داروں کے حوالے کی جاسکتی ہے ۔

کووڈ۔19 کی نعشوں سے متعلق ترمیم شدہ رہنما خطوط جاری

کورونا وائرس کے بڑھتے کیسس کے درمیان کرناٹک حکومت نے کووڈ۔19 مریضوں کی نعشوں کے ضمن میں ترمیم رہنما خطوط جاری کیے ہیں جن میں اس وقت تک پوسٹ مارٹم سے بچنے پر زور دیا گیا جب تک کسی خاص وجہ سے ایسا کرنا ضروری نہ ہو۔

بھاری برسات کے وقت منگلوروایئر پورٹ پر طیاروں کو اترنے کی اجازت نہیں دی جائے گی۔ ایئر پورٹ ڈائریکٹر راؤ کا بیان

منگلورو انٹر نیشنل ایئر پورٹ کے دائریکٹر وی وی راؤ نے ایک بیان جاری کرتے ہوئے کہا ہے کہ بھاری برسات اور خراب موسم کی وجہ سے چیزیں صاف دکھائی نہ دینے کی صورت میں ایئر پورٹ پر طیاروں کو لینڈنگ کی اجازت نہیں دی جائے گی۔

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔