بنگلورو، 12؍مئی (ایس او نیوز) کرناٹک میں گزشتہ 5 دنوں سے مزید کوئی کورونا متاثر مریض کے فوت ہونے کی کوئی رپورٹ نہیں آئی ہے۔ البتہ ریاست میں مزید 14 مریضوں کی نشاندہی کی گئی ہے۔ البتہ 212 افراد کو قرنطینہ میں رکھا گیا ہے جس سے قرنطینہ میں رکھے گئے مریضوں کی کل تعداد 1182 ہوگئی ہے۔ 110 مریض صحت یاب  ہو کر گھر لوٹے ہیں۔شیو اجی نگر کے سیل ڈاؤن علاقہ میں بھی مزید کوئی پازیٹیو کیس نہیں آیا ہے۔

ریاست میں پیر کے دن مزید 4284 افراد کی کورونا جانچ کے بعد اب تک اس مرض کیلئے جانچ کے لئے افراد کی جملہ تعداد 111595 ہوگئی ہے۔ 4201 افراد کی رپورٹ منفی آئی ہے۔ 14 مریض کی رپورٹ پازیٹیو آئی ہے۔بنگلورو شہر بھر میں 31 فیورکلینک قائم کئے گئے ہیں۔ 139 افراد کی جانچ کی گئی ہے ابت تک یہاں 7561 افراد کی اسکریننگ کی گئی ہے۔

بنگلورو میں 7، کلبرگی میں 6، باگل کوٹ میں 4، وجیاپورہ میں 3، جنوبی کینرا میں 3، چکبالاپور میں 2 ٹمکورو میں 2 اور بیدر میں 1 اور گدگ میں ایک مریض کی پچھلے 2 ماہ کے دوران موت واقع ہوئی ہے۔ کورونا سے متاثر مریضوں میں 308 خواتین اور 550 مرد شامل ہیں جن میں اکثریت 55 سال سے زائد عمر کے لوگوں کی ہے۔

10؍ مئی کو ریاست میں  سے زیادہ 54 پازیٹیو کیس سامنے آئے تھے۔ کورونا سے سب سے زیادہ اموات مہاراشٹرا میں ہوئی ہیں جہاں 832 افراد ہلاک ہوئے ہیں۔ گجرات میں 493 ، دہلی میں 73 اور کرناٹک میں 31، کیرالہ میں کوئی اموات نہیں ہے۔