کووڈشیلڈویکسین کے 6.48لاکھ ڈوزموصول ہوگئے: وزیر صحت ڈاکٹر سدھاکر

Source: S.O. News Service | Published on 13th January 2021, 11:04 AM | ریاستی خبریں |

بنگلورو،13؍جنوری (ایس او نیوز) ریاست میں پہلے مرحلہ میں 54باکسوں میں 6.48 لاکھ ڈوزکوروناویکسین موصول ہوئی ہے۔یہ اطلاع ریاستی وزیربرائے صحت وطبی تعلیم ڈاکٹر سدھاکرنے دی۔

کوروناویکسین آنندراؤ سرکل پرواقع ذخیرہ اندوزی مرکز آ نے کے بعد اخباری نمائندوں سے بات چیت کے دوران انہوں نے کہاکہ کوروناویکسین کے 6.48لاکھ ڈوزپرمشتمل 54بکس موصول ہوئے ہیں۔ تمام ڈوز نہایت عمدگی سے پیک ہوکرآئی ہیں۔ ایک مخصوص درجہ حرارت میں لائے گئے ویکسین ذخیرہ اندوزمرکزمیں رکھے گئے ہیں۔کل بروز چہارشنبہ بیلگاوی کو1.40لاکھ ویکسین ڈوزموصول ہوں گی۔اس پرمیں وزیراعلیٰ ایڈی یورپا اوروزیر اعظم نریندرمودی سے اظہار تشکرکرتاہوں۔ آتم نربھر (خودکفیل) بھارت کے تصورساتھ مودی حکومت کی جانب سے مختلف فارما کمپنیوں کاتعاون کئے جانے کی بناپرآج ہمیں صرف 210روپئے میں کوروناویکسین دستیاب ہورہی ہے۔کورونا کی روک تھام میں جن لوگوں نے جدوجہدکی ان تمام اہلکاروں کو16جنوری سے کورونا ویکسین کی ٹیکہ دیاجانے کاپروگرام ترتیب دیا جارہاہے اس کے لیے درکار رہنماخطوط جاری کئے جائیں گے۔

انہوں نے کہاکہ مزیدچار کمپنیاں ویکسین تیارکرنے والی ہیں۔وہ ویکسین دستیاب ہونے کے بعدزیادہ سے زیادہ لوگو ں کو ویکسین دیناممکن ہوپائے گا۔انہوں نے کہاکہ ویکسین کومحفوظ طریقہ سے لاتے ہوئے اسٹور کرنے کا تجربہ ہمارے اہلکاروں کوحاصل ہے۔ محکمہ صحت کے اہلکاروں کے معاملہ میں کوئی غیریقینی صورتحال کاشکارنہ ہو،تمام سرگرمیاں اصول وقواعدکے مطابق انجام دی جارہی ہیں۔ انہوں نے کہاکہ 2لاکھ سے زائد اہلکارویکسین دیں گے،ان تمام کوتربیت دی جارہی ہے، سائدافیکٹ کاامکان بالکل نہیں ہے، اس کے باوجود پیشگی احتیاط کے طورپرویکسین دینے کے مقام کی نگرانی کے لیے علاحدہ انتظام کیاگیاہے،ویکسین کا باکس بہت وزنی ہے، ایک اہلکار کے ہاتھ سے پھسل گرنے کے باوجودویکسین اورباکس کوکچھ نہیں ہوا،اس لیے اس بارے میں کسی کوتشویش میں مبتلا ہونے کی چنداں ضرورت نہیں ہے۔

قبل ازیں سیرم انسٹی ٹیوٹ پونے سے منگل کے روز صبح تین ڈگری کنٹرولڈ درجہ حرارت والے ٹرک سے کووڈشیلڈ ویکسین کی پہلی کھیپ پونے ہوائی اڈے روانہ کی گئی جہاں سے ان ویکسین کو ملک کے مختلف حصوں میں بھیجا گیا۔ ملک میں اس وبا کے خلاف فیصلہ کن جنگ کا پہلا مرحلہ صبح تقریباً پانچ بجے تین ڈگری کنٹرولڈ درجہ حرارت والے ٹرک سے کووڈشیلڈ ویکسین کی پہلی کھیپ پونے ہوائی اڈے کے لیے روانگی کے ساتھ شروع ہوا۔ قومی سطحی ٹیکہ کاری کی مہم چار دنوں کے بعد شروع ہوگی۔ذرائع کے مطابق ٹرک سے ویکسین کے کل 478 باکسوں کو بھیجا گیا ہے۔ منجری سے ٹرک سیرم انسٹی ٹیوٹ آف انڈیا کے احاطے سے صبح نکلا اور 15 کلومیٹر دور واقع ہوائی اڈے کے وقت پہنچ گیا ہے۔ ہوائی اڈے سے 10 بجے ملک کے مختلف 13 مقامات کے لیے ویکسین کو بھیجا گیا۔ ٹرک میں لدے ویکسین کو بھیجنے سے قبل ٹرک کی پوجا کی گئی۔

ایک نظر اس پر بھی

 حکومت نے وزارت کا بنایا ہے مذاق ۔ قلمدان بدلنے کا کھیل جاری،  سدھا کر کو میڈیکل ایجوکیشن واپس، مادھو سوامی اور آنند سنگھ کے قلمدانوں میں ادلا بدلی۔ آنند سنگھ مستعفی ہوسکتے ہیں

  وزیر اعلیٰ بی ایس یڈیورپا نے  دوبارہ دو وزراء  کے قلمدان بدلے ہیں۔ بی جے پی کے سینئر رکن اسمبلی جے سی مادھو سوامی ، آنند سنگھ اور سی پی یوگیشور کے قلمدان دو بارہ بدلے گئے ہیں جبکہ وزیر صحت ڈاکٹر کے سدھا کر صحت کے ساتھ میڈیکل تعلم کا قلمدان واپس حاصل کرنے میں کامیاب رہے ۔

وزیر محصولات اشوک کے پی اے پررشوت مانگنے  کا الزام ،  شرنگیری کے سب رجسٹرار سے بات چیت کا آڈیو وائرل

ریاستی وزیر  محصولات آراشوک کے پی اے گنگادھر کی طرف سے شرنگیری کے سب رجسٹرار سے رشوت کا مطالبہ کئے جانے کا ایک آڈیو وائرل ہوجانے کے سبب ریاست کے سرکاری حلقوں میں ہلچل مچ گئی ہے۔ 

بنگلورو میں بھی 26 ؍جنوری کو کسانوں کی بہت بڑی ٹریکٹر ریلی؛ پولس نے اجازت دینے سے کیا انکار

مرکزی حکومت کی طرف سے لائے گئے   زرعی  قوانین کے خلاف دہلی  میں کسانوں نے جس طرح کی ٹریکٹر ریلی  نکالنے کا اعلان کیا ہے۔  اسی طرز پر بنگلورو میں بھی کسانوں نے یوم جمہور یہ کے موقع پر ہی بہت بڑی ٹریکٹر ریلی نکالنے کا فیصلہ کیا ہے۔ یہ اعلان اتوار کے روز کرناٹکا راجیہ رعیت سنگھا ...

غیر قانونی طور پر منگلورو پہنچانے کے لئے تیار کیا جارہا 4 ٹن بیف اور7موٹر گاڑیاں ضبط ۔ 2 ملزمین گرفتار

مچھلی رفت کرنے کے پلاسٹک ڈبوں میں چھپا کر غیر قانونی طور پر منگلورو پہنچانے کے لئے تیار کیا  جا رہا 4 ٹن بیف پولیس نے ضبط کرتے ہوئے دو ملزمین کو گرفتار کرلیا۔ اس کے علاوہ 7موٹر گاڑیاں بھی ضبط کرلی گئیں۔