بھٹکل:17؍اکتوبر(ایس اؤ نیوز)ہرسال یکم نومبر کو کرناٹکا راجیوتسوا کی حیثیت سے ریاستی تہوار منایاجاتاہے۔ اس سلسلےمیں پیشگی تیاریوں کا جائزہ لینے تحصیلدار دفتر میں اسسٹنٹ کمشنر ساجد ملا کی صدارت میں محکمہ جات افسران کی میٹنگ منعقد ہوئی ۔
اس موقع پر افسران سےمخاطب ہوئے اے سی ساجدملا نےکہاکہ کرناٹکا راجیوتسواکو کامیاب بنانےکے لئے ہرایک محکمہ جات کے افسران کا تعاون ضروری ہے اور افسران وقت اور صفائی کو ترجیح دینے کی بات کہی۔ یکم نومبر کو بھونیشوری دیوی کی پوجا کے بعد گزشتہ سال کی طرح امسال بھی نمائشی جھلکیوں کے ساتھ ریلی نکلے گی اور تعلقہ میدان میں ثقافتی پروگرام کی نمائش کے لئے دائس تیار کرنےکی ہدایات جاری کیں۔ انہوں نے بتایا کہ ہرسال کی طرح آنند آشرم کانونٹ سے ریلی نکلے گی۔ راجیوتسوا میں پلاسٹک جھنڈے سمیت کسی طرح کے پلاسٹک اشیاء کے استعمال نہیں کئے جائیں گے۔ ریلی میں شریک ہونے والے آٹو مالکان پیشگی اطلاع دیں تاکہ حفاظتی انتظامات میں سہولت ہو۔ تحصیلدار وی پی کوٹرولی، تعلقہ پنچایت افسر پربھاکر، بی ای اؤ منجی، ضلع پنچایت انجنئیر فیاض وغیرہ میٹنگ میں شریک تھے۔