کرناٹک میں پی یو سی سال 2022 کے آج 18 جون کو نتائج
بنگلورو،18؍جون (ایس او نیوز) کر ناٹک پری یونیورسٹی ایگزامینیشن بورڈ نے کرناٹک کا پی یو سی سال دوم نتیجہ 2022 کی تاریخ جاری کر دیا ہے ۔ جس کے مطابق کلاس 12 کے نتائج کا اعلان آج 18 جون 2022 کو کیا جائے گا۔ وہ امید وار جنہوں نے پی یو سی دوم کے امتحان میں شرکت کی ہے وہkarresults.nic.in پر نتائج دیکھ سکتے ہیں۔ سائنس ، کامرس اور آرٹس اسٹریم کے نتائج کا اعلان ایک ساتھ کیا جاۓ گا۔
کرناٹک پی یو سی سال دوم کے نتیجہ 2022 کی تاریخ اور وقت کا اعلان کرناٹک کے پرائمری اور سیکنڈری ایجو کیشن کے وزیر بی سی ناگیش نے اپنے آفیشل ٹویٹر ہینڈل پر کیا۔ ٹویٹ میں لکھا ہے ، ” دوسرے پی یو سی امتحان کے نتائج کا اعلان 18جون کو کیا جاۓ گا۔ تمام طلباء کے لیے نیک خواہشات ۔
ریاست میں 12 ویں جماعت کا بورڈ امتحان 22 اپریل سے 18 مئی 2022 تک مختلف امتحانی مراکز پر منعقد ہوا تھا امتحان کے تمام دنوں میں صبح 10.15 بجے سے دوپہر 1.30 بجے تک واحد شفٹ میں امتحان لیا گیا۔ ریاست میں تقریبا 7 لاکھ امیدواروں نے 12 ویں جماعت کے بورڈ امتحان میں شرکت کی
گذشتہ سال یعنی2021 میں ، 12ویں کے نتائج کا اعلان 20 جولائی 2022 کو ہواتھا۔ مجموعی طور پر پاس ہونے کا فیصد 100 فیصد تھا۔ ریاست میں کل 2,239 طلباء نے 600 میں سے پر فیکٹ 600 نمبر حاصل کیے تھے۔ مجموعی طور پر ، کامرس اسٹریم میں 2,51,686، سائنس اسٹریم میں 2,19,777 اور آرٹس اسٹریم میں 69,529 طلبہ نے رجسٹریشن کروائی تھی ۔