بنگلورو، 28؍اکتوبر (ایس او نیوز)  کمبل کاندھے پر ڈالنے کی روایت کس نے شروع کی؟ کمبل کاندھے پر ڈال کر دوسروں کو تنقید کرنے کا سلسلہ کس نے شروع کیا۔ وزیر اعلیٰ بسواراج بومئی نے شروع کیا۔ میں بھی کروبا طبقہ  میں پیدا ہوا ہوں۔ اس لئے کمبل کے معاملے پر کوئی ردعمل ظاہر نہیں  کیا۔ کاندھے پر کمبل ڈالنا دراصل کروبا طبقہ  کی علامت ہے۔ کروبا طبقہ چرواہوں کا طبقہ ہوتا ہے، جو جانوروں کو چرانے کے لئے دور دور لے جاتے ہیں، اور ٹھنڈی سردی سے بچنے کے لئے کمبل کا استعمال کرتے ہیں اور اپنے کاندھے پر ہمیشہ کمبل ڈال کے چلتے ہیں۔ 

سدارامیا نے مزید کہا کہ بسواراج بومئی اور کمار سوامی نے کب بکریاں چرائی تھیں۔ کمار سوامی کہتے  ہیں  کہ وہ بکریوں کے ریور میں سوئے تھے ، ان کے والد  دیوے گوڑا 1967 میں ایم ایل اے  بنے تھے ، تقریباً انہیں دنوں کماسوامی کا بھی جنم ہوا تھا، وہ کس طرح بکریاں چرائے تھے ، ہ سب جھوٹی باتیں ہیں، وزیر اعلیٰ بسواراج بومئی کے والد بھی ایم ایل اے اور ایم ایل سی بنے تھے، کیا ایسے لوگوں کے بچے بکریاں چراتے ہیں۔ کم از کم اب تو وہ صحیح بات بولیں ، صرف انتخابی مہم کے لئے جو چاہیں نہ بولیں ، چرواہوں کے کمبل کو سیاست کے لئے استعمال کررہے ہیں۔ 

ریاست میں بٹ کوائر اور ڈرگس معاملے پر دہ ڈالنے کے الزامات کے تعلق سے پوچھے جانے پر سدارامیا نے کہا کہ اس معاملے میں بی جے پی شامل ہیں، اس لئے معاملے پر پردہ ڈالنے کی کوشش کی جارہی ہے۔ لیکن جو لوگ اس میں ملوث ہیں، ان کو بچانے کی کوشش نہیں ہونی چاہئے۔