بنگلورو: کورونا ٹیکہ لگانے کے لئے وزیر بی سی پاٹل نے اسپتال عملہ کو ہی گھر پر بلا لیا

Source: S.O. News Service | Published on 3rd March 2021, 12:15 PM | ریاستی خبریں |

بنگلورو،3؍مارچ (ایس او نیوز) ملک میں کورونا ٹیکہ لگانے کا تیسرا مرحلہ چل رہا ہے جس میں عمر رسیدہ افراد کو ویکسین لگایا جا رہا ہے۔ اس کے لئے آن لائن رجسٹریشن کے ذریعے اپائنٹمنٹ لے کر سرکاری یا نجی اسپتال میں جانا ہوتا ہے۔ وزیر اعظم نریندرا مودی اور دیگر اہم شخصیات نے خود اسپتال پہنچ کر ٹیکہ لگوایا ہے۔ لیکن کرناٹکا کے وزیر بی سی پاٹل نے وی وی آئی پی کلچر کا مظاہرا کرتے ہوئے ٹیکہ لگانے کے لئے اسپتال کے عملے کو ہی اپنے گھر پر بلا لیا جس پر سوشیل میڈیا میں بہت زیادہ اعتراضات دیکھنے کو مل رہے ہیں۔

    اصولی طور پر اسپتال پہنچ کر ٹیکہ لگوانے کے بعد آدھے گھنٹے تک ڈاکٹروں کی نگرانی میں اسپتال میں ہی رکنا ہوتا ہے۔ لیکن بی سی پاٹل نے قانون اور اصول کو بالائے طاق رکھ کر اپنے ہی گھر پر خود کو اور اپنی بیوی کو ٹیکہ لگوایا۔ جب ڈی ایچ او راجیندرا ڈوڈمنی سے اس بارے میں پوچھا گیا تو انہوں نے کہا کسی کو بھی اپنے گھر پر ٹیکہ لگوانے کی گنجائش نہیں ہے۔ مذکورہ وزیر کے ذریعے اس طرح کی حرکت کیے جانے کا مجھے کوئی علم نہیں ہے۔ اس سلسلے میں تحقیقات کی جائے گی۔ دوسری طرف ٹی ایچ او ڈاکٹر مکاندار نے اس حرکت کو درست قرار دیتے ہوئے کہا کہ اسپتال میں لوگوں کی بھیڑ ہونے کی وجہ سے گھر پر ٹیکہ لگوایا گیا تھا۔

    مگرحقیقت یہ ہے کہ اسپتال میں بزرگ حضرات ٹیکہ لگوانے کے لئے لاٹھیاں ٹیکتے ہوئے اور وھیل چیر کے سہارے گھنٹوں اپنی باری کے انتظار میں بیٹھے رہتے ہیں۔ ایسے وزراء اور اہم شخصیات کی طرف سے وی آئی پی کلچر کا مظاہرا کرنا ایک طرح سے عوام کے ساتھ ظلم اور ناانصافی ہے جو لائق مذمت ہے۔

ایک نظر اس پر بھی

کرناٹک میں کورونا کی دہشت کا ایک اور ریکارڈ ، تقریباً 20 ؍ ہزار متاثر ، بنگلورو میں لاک ڈاؤن یا سخت امتناعی احکامات ؟

اتوارکے روز کرناٹک میں کورونا نے اپنا خوفناک ترین رخ پیش کیا اور اب تک متاثرین کی تعداد کا ایک نیا ریکارڈ سامنے آیا ریاست بھر میں 7 6 0 9 1 تازه معاملات سامنے آئے ۔ 81 لوگوں کی موت واقع ہوئی ہے۔

بھٹکل: ریاست میں کورونا کے بڑھتے معاملات سےپریشان طلبہ نے پیر سے شروع ہونے والے امتحانات منسوخ کرنے ٹوئیٹر پر چلائی مہم

کورونا کی دوسری لہر میں  بڑھتے کیسس کے دوران ایک طرف  میٹرک اور سکینڈ پی یوسی کے امتحانات ملتوی اور منسوخ کئے جارہےہیں تو وہیں دوسری طرف ویشویشوریا ٹیکنالوجیکل یونیورسٹی (وی ٹی یو) کے تحت آنے والی کالجس میں کل  پیر سے فرسٹ سیمسٹر کے امتحانات شروع ہورہےہیں۔

شیواجی نگرمیں کورونا متاثرین کی مدد کیلئے وار روم، چرکا سوپر اسپشالٹی اسپتال میں 150بستر دو دن میں مہیا کروا دئیے جائیں گے: رضوان ارشد

کورونا وائر س کی دوسری لہر نے جس قدر شدت اختیار کی ہے، اسے دیکھتے ہوئے شہر کے قلب میں آنے والے علاقے شیواجی نگر اور آس پاس کے علاقوں میں لوگوں کو فوری راحت رسانی کے انتظامات کا رکن اسمبلی رضوان ارشد نے ہفتے کے روز بی بی ایم پی افسروں کے ساتھ جائزہ لیا۔