بنگلورو، 8؍جنوری(ایس او  نیوز) ریاستی وزیر برائے آبکاری کے گوپالیا نے کہا کہ مرکزی حکومت نے 8جنوری تک ملک بھر میں 15سے18سال کے درمیانی عمر کے بچوں کو ویکسین دینے کا فیصلہ کیا ہے۔

مہا لکشمی لے آؤٹ اسمبلی حلقہ کے بسویشورا نگر کرلوسکر کالونی میں موجود ودویا مندر میں 15سے18سال کے بچوں کو کووڈ ویکسین دینے کے پروگرام کا افتتاح کرنے کے بعد اپنے خطاب میں گو پا لیا نے اس بات کی جانکاری دی۔ انہوں نے کہا کہ135کروڑ کی آبادی والے ہندوستان جیسے بڑے ملک میں ویکسین دینا بڑا مشکل کام ہے،اس کے باوجود وزیر اعظم نریندر مودی نے چیلنج کو قبول کیا اور ہر ایک شہری کو وویکیسن دیتے ہو ئے اس ملک کو کووڈ سے آزاد بنا نے کی کوشش میں ہیں۔

انہوں نے بتا یاکہ امریکہ سمیت دیگر بڑے ممالک میں آج بھی روزانہ کووڈ کے لاکھوں معاملات درج ہو رہے ہیں،ایسے حالات میں ہندوستان میں کووڈ ویکسین کے ذریعہ کووڈ پر قابو پانے کے لئے درکار مرکز اور ریاستی حکومتیں کر رہی ہیں۔گو پا لیا نے کہاکہ کووڈ کی دونوں لہر کا ہم سامنا کر چکے ہیں،اب کووڈ کی ممکنہ تیسری لہر کے خدشات کافی زیادہ ہیں،اس کا بھی ڈٹ کر مقابلہ کرنا چائیے،اس کے لے ہر ایک کو لاز می طور پر دونوں ویکسین لینا ضروری ہے۔

انہوں نے بتا یا کہ کووڈ کا پہلا ڈوز لینے کے28دن بعد دوسرا ڈوز دیا جا ئے گا،تمام اسکول او رکالجوں کے طلبہ کو چائیے کہ وہ ویکیسن لینے کے معا ملہ میں دلچسپی دکھا ئیں۔انہوں نے کہا کہ نائٹ کرفیو سمیت سخت کووڈ کے سخت ضوابط کے درمیان ہی ہر ایک کو کووڈ ویکسین لینا چائیے۔انہوں نے کہا کہ ہم ذہنی طور پرکووڈ پر قابو پانے کے لے تیار ہیں،اس لئے کوئی تکلیف محسوس نہیں ہو گی۔

انہوں نے بچوں کے والدین اور سرپرستوں سے گزارش کی کہ ویکسین کے معا ملہ میں دلچسپی دکھائیں۔اس موقع پر مقامی قائدین حاضر رہے۔