کاروار:26؍جون(ایس اؤ نیوز)کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

اترکنڑا ضلع ڈی سی ڈاکٹر ہریش کمار پروگرام کا افتتاح کریں گے تو کاروار کی رکن اسمبلی روپالی نائک صدارت کریں گی۔ کمٹہ کے رکن اسمبلی دینکر شٹی ، محکمہ نشر و اشاعت کے معاون ڈائرکٹر ہیمنت راجو، شیواجی کالج باڑ کاروار کے پرنسپال شیوانند نایک مہمان خصوصی کی حیثیت سے شریک ہونگے۔ کنڑا ساہتیہ پریشد کے تعلقہ صدر ناگراج ہرپنہلی موجودہ دور میں صحافت کے مسائل : جدید امکانات کے متعلق اپنا مقالہ پیش کریں گے۔ کرناٹکا جرنالسٹ یونین کے ضلعی صدر  کڈتوکا منجوافتتاحی کلمات پیش کریں گے۔