بنگلورو، 29؍مارچ (ایس او نیوز) وزیر داخلہ بسوراج بومئی نے کہا ہے کہ سابق وزیر رمیشن جارکی ہولی کی غیر مہذب ویڈیو معاملہ طول پکڑ رہا ہے اور یہ ایک سریل کی طرح باہر لائے جارہے ہیں۔ ان سی ڈی آڈیو اور ویڈیو کی سائنٹفک طریقہ سے جانچ کروائی جانے والی ہے۔ 

دوسری جانب اس سلسلہ میں کانگریس کی جانب سے کئے گئے ایک ٹوئٹ میں کہا گیا ہے کہ اس متاثرہ  خاتون کو تحفظ فراہم کرنے کے بدلے حکومت اور پولیس یہ مبینہ جرم کرنے والے سابق وزیر کی حفاظت کیلئے سینکڑوں پولیس  والوں کے ذریعہ سکیورٹی فراہم کی ہے ۔ جبکہ پولیس کو ان کے گھر انہیں گرفتار کرنے کیلئے بھیجا جانا تھا۔ جن 6 وزراء نے ان کے تعلق سے میڈیا یا چینلوں میں کوئی بیان اس تعلق سے شائع نہ کرنے ، اسٹے آرڈر حاصل کرنے والے ان وزراءسے وزیر اعلیٰ پہلے استعفیٰ طلب کریں۔ جنسی معاملہ میں ملوث وزیر کو اپنی پارٹی سے برطرف کریں۔