ڈیوٹی پر غیر حاضر ڈاکٹروں کی تقرری منسوخ کرنے ہدایت
بنگلورو،22؍اگست (ایس او نیوز) حال ہی میں تقرر کئے گئے ڈاکٹرس جو اب تک اپنی ڈیوٹی پر حاضر نہیں ہوئے ہیں، ان ڈاکٹروں کو فوری نوٹس جاری کرنے اور ایسے ڈاکٹروں کی تقرری منسوخ کردینے وزیراعلیٰ بسوراج بومئی نے محکمہ صحت کے افسروں کو سخت ہدایت دی ہے۔
انہوں نے کہا کہ ڈاکٹروں اور اسٹاف کی قلت کو دور کرنے ڈاکٹروں کا تقرر کیا گیا تھا۔تقرر کے باوجود یہ لوگ ڈیوٹی پر حاضر نہ ہوئے ہوں تو ان کی تقرری منسوخ کردیناچاہئے۔انہوں نے محکمہ کے افسروں کو یہ بھی ہدایت دی ہے کہ جن اسپتالوں اور طبی مراکز میں ڈاکٹر اور نیم میڈیکل اسٹاف کی کمی ہے وہاں فوری ڈاکٹروں اور اسٹاف کا تقرر کیا جائے۔
وزیراعلیٰ نے بتایا کہ ریاست کے مختلف اسپتالوں میں کووڈ متاثرین کا علاج جاری ہے۔کن کن طبی مراکز میں کووڈ کا علاج ہوتا ہے اس کی تفصیلات بھی منظرعام پر لانی چاہئے۔