بنگلورو10؍اگست (ایس او نیوز؍یواین آئی) کرناٹک کے وزیرصحت بی سری راملوکے کورونا وائرس (کووڈ-19) سے متاثر ہونے کی تصدیق ہوئی ہے - سری راملو نے اتوار کو ٹوئٹ کرکے یہ اطلاع دی-انہوں نے بتایا کہ ہلکا بخار ہونے کے بعد کورونا جانچ کرائی گئی تھی، جس میں ان کی رپورٹ پوزیٹیوآئی ہے - وزیر کو بورنگ اسپتال میں بھرتی کرایا گیا ہے ۔

واضح رہے کہ کرناٹک کے وزیراعلیٰ بی ایس ایڈی یورپا اور کانگریس لیڈر اور سابق وزیراعلیٰ سدارمیا بھی کورونا سے متاثر ہونے کے بعد شہر کے ایک نجی اسپتال میں علاج کرارہے ہیں -ٹوئٹر کے ذریعہ اپنے کورونا پوزیٹیو ہونے کی اطلاع دیتے ہوئے سری راملو نے اپنے اقرباء سے کہا کہ وہ خود بھی اپنا کووڈ ٹسٹ کروالیں اور اپنے آپ کو کورنٹائن کرلیں ۔

انہوں نے کہاکہ کرناٹک میں جب سے کورونا وائرس نے وبائی شکل اختیار کی ہے، اس وقت سے ہی وہ ریاست کے تمام اضلاع کا دورہ کرتے رہے ہیں -کورونا پوزیٹیو ہونے کے بعد انہوں نے اپنا علاج سرکاری اسپتال میں کروانا پسند کیا-انہیں یقین ہے کہ نجی اسپتالوں کے مقابلے سرکاری اسپتال میں رہ کر اپنی اور دیگر مریضوں کی دیکھ بھال یقینی بناسکیں۔

اس دوران کرناٹک کے وزیر اعلیٰ بی ایس ایڈی یورپا اور اپوزیشن لیڈر سدرامیا جو یکم اور 2/ اگست کو کورونا پوزیٹیو پائے گئے شہر کے منی پال اسپتال میں زیرعلاج ہیں -ڈاکٹروں کا کہنا ہے کہ دونوں کی حالت مستحکم ہیں -بتایا جاتا ہے کہ پیرکے روز ان دونوں ایک بار پھر کووڈ ٹسٹ لیا جائے گا اور اگر یہ ٹسٹ نگیٹیو رہا تو دونوں کو اسپتال سے رخصت کردیا جائے گا-