ریاستی حکومت 31 دسمبر سے قبل بی بی ایم پی انتخابات کرائے: کرناٹک ہائی کورٹ
بنگلورو، یکم اکتوبر (ایس او نیوز؍ایجنسی) کرناٹک ہائی کورٹ نے جمعہ کے دن ریاستی حکومت اور ریاستی الیکشن کمیشن کو ہدایت دی ہے کہ وہ 31 دسمبر سے قبل بی بی ایم پی انتخابات کرائیں۔
جسٹس چند ناگوڑارنے یہ حکم جاری کیا ہے اور انہوں نے بی بی ایم پی وارڈ ریزرویشن فہرستوں کے خلاف دائر متعداد عرضیوں کو سماعت کیلئے منظور کر لیا۔ عدالت نے دیگر پسماندہ طبقات (او بی سی) کمیشن کو جس کی قیات جسٹس بھکتاوتسا کررہے ہیںِ او بی سی آبادی کے تعلق سے ریاست حکومت کو اعداد و شمار پیش کرنے کی ہدایات بھی دی۔
قبل ازیں ریاستی حکومت نے ایک حلف نامہ دائر کر کے درخواست کی تھی کہ نئی او بی سی ریزرویشن کی نئی فہرست جاری کرنے کیلئے اسے 16 ہفتوں کی مہلت دی جائے۔ عدالت نے حکومت کے موقف پر ناراضگی ظاہر کی اور کہا کہ بی بی ایم پی انتخابات کرانے میں پہلے ہی دو سال کی تاخیر ہو چکی ہے۔ بی بی ایم پی کونسل میعاد ستمبر 2020 میں ختم ہوئی تھی۔