سیلاب متاثرین کے معاوضہ کیلئے 300 کروڑ روپئے جاری: آر اشوک

Source: S.O. News Service | Published on 7th August 2022, 11:27 AM | ریاستی خبریں |

 بنگلورو، 7؍اگست(ایس او نیوز)ریاست میں بی جے پی کی سوپر سرکار ہے، کانگریس پارٹی کی طرف سے لگایاجارہاالزام ”سیلاب متاثرین کیلئے معاوضہ فراہم کرنے ریاستی حکومت کے پاس رقم نہیں ہے“بالکل جھوٹا اور بے بنیادہے،سیلاب متاثرین کیلئے مرحلہ وار معاوضہ دئے جانے کا انتظام کیاجارہاہے۔یہ بات ریاستی وزیر برائے مالگزاری آر اشوک نے کہی۔

انہوں نے  سیلاب متاثرہ علاقوں کا دورہ کرکے جائزہ لینے کے بعد اخباری نمائندوں سے خطاب کرتے ہوئے کہاکہ سیلاب متاثرین کو معاوضہ فراہم کرنے کیلئے صرف بلگاوی ضلع میں ہی 80کروڑ روپئے موجود ہیں،ہرایک ڈپٹی کمشنر کے کھاتے میں بھی بہت ساری رقم موجود ہے،اپوزیشن لیڈروں کی طر ف سے لگایاجارہاالزام جھوٹا او ربے بنیادہے۔

اشوک نے بتایاکہ بارش سے متاثر علاقوں کا بحیثیت وزیر مالگزار ی ریاست بھر کا دورہ کیاہے اور متاثرین کے علاوہ کسانوں کو ضروری معاوضہ فراہم کیاجارہاہے،معاوضے کی رقم دوگنی کردئے جانے کے بارے میں بھی بی جے پی حکومت غور کررہی ہے۔ریاست میں اس وقت نازک حالات ہیں،ایسے میں حکومت کے پاس فنڈ نہ ہونے کے بارے میں افواہیں پھیلا کر عوام کو الجھن میں ڈالناٹھیک نہیں ہے۔بی جے پی حکومت متاثرین کو معاوضہ فراہم کرنے کیلئے تیارہے اور رقم دوگنی کرنے کے معاملے میں بھی سنجیدگی سے غور کررہی ہے۔

وزیر مالگزاری نے کہاکہ ریاست کے کسانوں کو پریشان ہونے کی کوئی ضرورت نہیں ہے،حکومت ان کے حق میں ضرور کھڑی ہوگی اور فصلوں کی تباہی کے بارے میں تفصیل اکٹھاکرنے کے بعد ضروری معاوضہ فراہم کرے گی۔دلالوں کے چکر اور رشوت سے بچانے کیلئے معاوضے کی رقم راست طورپر کسانوں کے بینک کھاتے میں منتقل کرنے کا انتظام کیاجائے گا۔ریاست کے تمام ڈپٹی کمشنر وں کے بینک کھاتوں میں سیلاب متاثرین کے معاوضے کیلئے 800کروڑ روپئے کی رقم مختص کی گئی ہے۔فی الحال حکومت نے 300کروڑ روپئے جاری کردئے ہیں۔

اس موقع پر وزیر آر اشوک کے ساتھ رکن اسمبلی این مہیش،ڈپٹی کمشنر چارولتا سومل اور دیگر موجود تھے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔