ریاست میں جاری کیا گیا تمام ایمرجنسی حالات کے لئے واحد ہیلپ لائن نمبر112
بنگلورو یکم /نومبر (ایس او نیوز) جمعرات کے دن ریاستی حکومت کی طرف سے تمام ایمرجنسی حالات میں مدد کے لئے واحد ہیلپ لائن نمبر 112جاری کردیا گیا ہے۔
مرکزی حکومت نے ’ایک ملک۔ ایک ایمرجنسی نمبر‘ کا جو تخیل پیش کیا ہے اس اسکیم کے تحت صرف 112نمبر پر ڈائیل کرنے سے(پولیس 100)، فائر بریگیڈ (101) اور ایمبولینس (108) کی خدمات حاصل کی جاسکیں گی۔موصولہ اطلاعات کے مطابق فی الحال ریاست گیر پیمانے پر اس نمبر سے جڑی ہوئی 183یمرجنسی گاڑیاں عوام کو فوری خدمات پہنچانے کے لئے تیار رہیں گی۔ آئندہ دنوں میں گاڑیوں کی تعداد بڑھاکر 500کرنے کا منصوبہ ہے۔