حکومت کرناٹک نے کانگریس کے میکے ڈاٹو پدیاترا پرعائد کی پابندی

Source: S.O. News Service | By I.G. Bhatkali | Published on 13th January 2022, 12:56 AM | ریاستی خبریں |

بنگلور 12 جنوری (ایس او نیوز) ہائی کورٹ اوربعض بی جے پی ارکان اسمبلی کی تنقید کے بعد  بسواراج بومائی کی زیرقیادت بی جے پی حکومت نے بدھ کے روز کووڈ 19 کی پہلے سی بگڑتی صورت حال  کا حوالہ دیتے ہوئے کانگریس کے میکے ڈاٹو پدیاترا پر پابندی لگا دی ہے۔

چیف سکریٹری پی روی کمار نےبدھ دیر شام ایک اعلیٰ سطحی میٹنگ کے بعد حکم نامے پر دستخط کیے جس کی صدارت بومئی نے کی تھی۔ ہائی کورٹ  کی جانب سے کووڈ 19 کے بڑھتے ہوئے کیسوں کے درمیان چوتھے دن میں داخل ہونے والی پد یاترا کی اجازت دینے پر حکومت کی کھنچائی کے چند گھنٹے بعد ہی حکومت نے اس پدیاترا پر پابندی عائد کرنے کا فرمان جاری کیا۔

چیف سکریٹری کی طرف سے  جاری کئے گئے حکم  نامہ میں کہا گیا ہے کہ’’نما نیرو نمما حقو‘‘ پدیاترا میں حصہ لینے کے لیے تمام بین الاضلاع یعنی کرناٹک کے اندر اور ضلع رام نگر کے اندر گاڑیوں اور افراد کی نقل و حرکت اگلے حکم نامہ تک ممنوع رہے گی۔

کانگریس کی طرف سے شروع کی گئی اس پدیاترا کے بعد حکومت پر کام کرنے کا زبردست دباؤ تھا۔ اتوار سے جاری پدیاترا کے بعد 134 کانگریس لیڈروں اور حامیوں کے خلاف تین ایف آئی آر درج کی گئی ہیں۔ یہ ریلی 19 جنوری کو بنگلورو میں ختم ہونے والی تھی۔

حکومت نے تمام ڈپٹی کمشنروں، پولیس سپرنٹنڈنٹس، پولیس کمشنروں اور ٹرانسپورٹ کمشنر سے کہا ہے کہ وہ حکم پر سختی سے عمل درآمد کو یقینی بنائیں۔

ہائی کورٹ کے مشاہدے کے پیش نظر صبح ہی حزب اختلاف کے قائد سدارامیا پارٹی کے ساتھیوں کے ساتھ بات چیت کرنے ریلی سے نکل کر واپس بنگلورپہنچے، جہاں نامہ نگاروں سے بات چیت کرتے ہوئے سدارامیا نے شروع میں کہا کہ پارٹی نتائج کا سامنا کرنے کے لیے تیار ہے۔ بعد میں، انہوں نے کہا کہ کانگریس ہائی کورٹ کے حکم کا احترام کرے گی۔ انہوں نے کہا کہ دیکھتے ہیں کہ عدالت کیا حکم دیتی ہے۔ یہ پوچھے جانے پر کہ کیا کانگریس نے پدیاترا کی اجازت لی تھی، انہوں نے کہا: "اجازت لینے کے بعد کوئی احتجاج نہیں کیا جاتا۔"

بتایاجارہا ہے کہ سدارامیا اورڈی کے شیوکمار دونوں نے کے پی سی سی لیگل سیل کے سربراہ اور سابق ایڈیشنل ایڈوکیٹ جنرل اے ایس پوننا کے ساتھ اس پر تبادلہ خیال کیا ہے، جو ممکنہ طور پر عدالت میں بحث کریں گے کہ احتجاج ایک بنیادی حق ہے۔

ذرائع سے پتہ چلا ہے کہ کانگریس ایک ایسے منصوبے پر بھی غور کر رہی ہے جہاں صرف سدارامیا، ڈی کے شیوکمار اور کچھ دوسرے لیڈران پدیاترا کو جاری رکھ سکیں۔

ایک نظر اس پر بھی

کلبرگی میں آٹو رکشہ ڈرائیور نے اپنی دو بیٹیوں کا کیاقتل

 ایک درد ناک واقعہ میں ایک 38سالہ آٹو ڈرائیور لکشمی کانت مان کیری نے اپنے دولڑکیوں کو پھانسی دے کر قتل کردیا اور بعد ازاں وہ ان دنوں کی لاشوں کو ساتھ لے کر پولیس اسٹیشن پہنچ گیا ۔ چہارشنبہ کو اس نے اپنے آپ کو پولیس کے حوالہ کردیا ۔

گلبرگہ میں ایک شخص نے اپنے ہی خاندان کے چار لوگوں کو آگ لگادی۔ دو کی موت، دو کی حالت نازک

شرن اپا  نامی ایک شخص  نے   اپنے ہی خاندان کے چار افراد کو نذر آتش کردیا جس میں سے دو کی موت واقع ہوگئی  جبکہ دیگردو کی حالت نازک بتائی گئی ہے۔ واردات  نارائین پور گائوں ہنسگی تعلقہ ضلع یادگیر گلبرگہ ڈویژن میں چہارشنبہ کو پیش آئی۔

بینگلورو : ملزمین کی گرفتاری کے وقت پولیس افسران کے پاس 'باڈی کیمرہ' ہونا لازمی - ہائی کورٹ کی ہدایت

چیک باونس کیس کے ملزم کو عوامی مقام پر ہتھکڑی پہنائے کے معاملہ کی سماعت کے بعد فیصلہ سناتے ہوئے ہائی کورٹ نے ہدایت دی ہے کہ  کسی بھی معاملہ میں ملزم یا زیر وسماعت قیدی کو گرفتار کرتے وقت متعلقہ پولیس افسر کے جسم پر لگا ہوا 'باڈی کیمرہ' ہونا لازمی ہے ۔ اسی کے ساتھ عدالت نے ...

نبی اکرمﷺ کی شان اقدس میں گستاخی کسی بھی صورت میں برداشت نہیں کی جائے گی!مرکز تحفظ اسلام ہند کے ”تحفظ ناموس رسالتؐ کانفرنس“ سے مولانا محمد مقصود عمران رشادی کا ولولہ انگیز خطاب!

 مرکز تحفظ اسلام ہند کے زیر اہتمام منعقد عظیم الشان آن لائن ہفت روزہ ”تحفظ ناموس رسالتؐ کانفرنس“ کی چوتھی نشست سے خطاب کرتے ہوئے جامع مسجد سٹی بنگلور کے امام و خطیب حضرت مولانا ڈاکٹر محمد مقصود عمران رشادی صاحب نے فرمایا کہ پیارے نبی حضرت محمد رسول اللہ صلی اللہ علیہ وسلم بے ...

بی ایم ٹی سی میں 4دنوں تک ڈیزل کا ذخیرہ موجود: مینیجنگ ڈائرکٹر جی ستیہ وتی

بنگلور میٹرو پالیٹن ٹرانسپورٹ کارپوریشن(بی ایم ٹی سی) کی مینیجنگ ڈائرکٹر جی ستیہ وتی نے بتا یا کہ شہر کے تمام بی ایم ٹی سی بسیس حسب معمول دوڑیں گی، اگلے چار دنوں تک کا ڈیزل موجود ہے اسلئے عوام کو مشکلات کا سامنا کرنا نہیں پڑے گا۔