ویک ینڈ کرفیو کا بنگلورو سمیت ریاست بھر میں مکمل اثر؛ ٹرانسپورٹ اور تجارتی خدمات بند رہنے کے سبب ہر طرف ویرانی
بنگلورو، 9؍جنوری (ایس او نیوز ) کورونا کی روک تھام کے لئے حکومت کی طرف سے نافذ کئے گئے و یک بنڈ کر فیو کا بنگلورو میں صد فیصد اثر دیکھا گیا اورروزانہ عموماً مصروف رہنے والے علاقے شیواجی نگر ، سٹی مارکیٹ ، میجسٹک، ملیشورم وغیرہ ویران رہے ۔ میڈیا میں آئی رپورٹوں کے مطابق بی ایم ٹی سی کی طرف سے صرف ضروری شعبوں کے لئے ہر گھنٹہ میں ایک بس کی سہولت رہی جس کی وجہ سے میجسٹک بس اسٹانڈ ویران رہا ۔ مصروف تجارتی علاقوں میں دکانیں بندرہنے کے سبب شہر میں تمام سرگرمیاں بھی معطل رہیں ۔
ویک اینڈ کے موقع پرعموماً مصروف رہنے والے شاپنگ مالس بند رہے اور ان کے باہر پولیس والوں نے بیر کیڈس لگا کر پہرہ لگا دیاتھا۔ شہر کی سڑکوں پر جا بجا پولیس والوں نے بیری کیڈس لگا کر لوگوں کے آنے جانے کی نگرانی کی اور بے وجہ سڑکوں پر آنے والوں کو روک کر ان کے خلاف قانونی کارروائی کی ۔ان لوگوں کو چھوڑ دیا جن کے پاس شناختی کارڈ رہا اور ان لوگوں کو روک لیا جو بے وجہ گھوم پھر رہے تھے۔
بنگلورو کے ساتھ ساتھ ریاست کے بیشتر اضلاع میں بھی و یک بینڈ کر فیو کا زبردست ردعمل دیکھا گیا۔ میسورو،چکبالاپور، کولار، ٹمکورو، داونگیرے، شیموگہ ، کورگ ، دکشن کنڑا، اُڈ پی وغیرہ میں و یک اینڈ کر فیو کے پہلے دن صد فیصد اثر دیکھا گیا۔
رائچور ضلع میں کرفیو کا اتنا زیادہ اثر نہ ہونے کی اطلاعات ملی ہیں۔ ویک اینڈ کرفیو کے دوران ریاست کے بیشتر اضلاع میں کاروبار بند رہا ۔ روزمرہ کی ضروری اشیاء فروخت کر نے والی دکانوں اور کھانے پینے کی ہوٹلوں میں صرف پارسل خدمات کو چھوڑ کر دیگر تمام تر تجارتی مراکز بندر ہے ۔