حکومت کرناٹک کے خلاف الیکشن کمیشن نے ہائی کورٹ کو بتایا؛ ہمارے اختیارات چھین لیے گئے ہیں، کمیشن ضلع پنچایت اور تعلقہ پنچایتوں کے انتخابات کروانے سے قاصر

Source: S.O. News Service | Published on 19th May 2022, 12:53 PM | ریاستی خبریں |

بنگلورو، 19؍مئی (ایس او نیوز؍ایجنسی) کرناٹک ریاستی الیکشن کمیشن نے کرناٹک ہائی کورٹ کو بتایا کہ ریاستی حکومت نے اس کے اختیارات چھین لیے ہیں  جس سے وہ سپریم کورٹ کے احکام پر ضلع پنچایت اور تعلقہ پنچایتوں کے انتخابات کروانے سے قاصر ہیں۔ جسٹس ایس جی پنڈت اور جسٹس ایم جی اوما کی تعطیلات ڈیویژن بنچ نے آج الیکشن کمیشن کی عرضی کی سماعت کی۔

 گزشتہ ہفتہ سپریم کورٹ کی جانب سے ضلع پریشد اور تعلقہ پنچایت کے انتخابات فوری کروانے کی ہدایت کے بعد کمیشن نے ہائی کورٹ میں یادداشت داخل کرکے عجلت کا حوالہ دے کر زیرالتواء عرضی پر سماعت کی درخواست کی۔ ہائی کورٹ نے کمیشن کے وکیل سے پوچھا کہ سپریم کورٹ کی ہدایت پر عمل کرنے کی بجائے میمو کیوں داخل کیا گیا۔

 وکیل نے عدالت کو بتایا کہ ریاستی حکومت نے حلقوں کی حد بندی اور ریزرویشن فہرست ترتیب دینے کے الیکشن کمیشن کے اختیارات چھین لیے تھے۔ اس کے بغیر ریاستی الیکشن کمیشن انتخابی اعلامیہ کے اعلان سے قاصر ہے۔

 ریاستی حکومت نے حد بندی اور تحفظات کے  لیے علاحدہ کمیٹی تشکیل دی تھی حالانکہ الیکشن کمیشن نے اپنے طور پر یہ عمل مکمل کرلیا تھا۔ الیکشن کمیشن نے اسے ہائی کورٹ میں چیلنج کیا۔ عدالت نے کہا کہ اس عرضی کا تفصیلی جائزہ لینے کی ضرورت ہے اور معاملے کی سماعت 23 مئی تک ملتوی کردی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔