بنگلورو، یکم اگست (ایس او نیوز)کرناٹک میں ایک بار پھر کورونا وائرس کے کیسوں کی تعداد میں اچھال کو دیکھتے ہوئے وزیر اعلیٰ بسواراج بومئی نے اشارہ دیا ہے کہ کیسوں میں اضافہ کا رجحان اگر برقرار رہا تو ریاست میں سخت اقدامات ناگزیر ہیں۔
اخباری نمائندوں سے بات کرتے ہوئے انہوں نے کہا کہ دہلی سے لوٹنے کے بعد انہوں نے ریاست کے 8اضلاع کے ڈپٹی کمشنروں سے بات کی۔ اس کے بعد میڈیا سے بات کرتے ہوئے بومئی نے کہا کہ وہ سرکاری افسروں سے ایک اور دور کی بات چیت کریں گے۔ فی الحال انہوں نے بین ریاستی سرحدوں پر پابندیوں میں سختی نہ لانے کا فیصلہ لیا ہے۔ البتہ آنے والے دنوں میں اگر حالات میں سدھار نہیں ہوا تو حکومت کو مجبوراً دیگر ریاستوں سے جڑی سرحدوں کو بند کرنا پڑ سکتا ہے۔
انہوں نے کہا کہ ریاستوں کی سرحدوں پر کووڈ ٹسٹنگ کو لازم قرار دیا گیا ہے۔جولائی کے دوران کرناٹک میں 56ہزار سے زائد کووڈ معاملات سامنے آئے۔بنگلورو میں 12654معاملاتسامنے آئے۔