کرناٹک کے یادگیر میں کار کی ٹرک سے بھیانک ٹکر؛ پانچ لوگ جاں بحق، 13 زخمی

Source: S.O. News Service | By I.G. Bhatkali | Published on 6th June 2023, 7:12 PM | ریاستی خبریں |

یادگیر 6 جون (ایس او نیوز)  ریاست کرناٹک کے  یادگیر میں  پارک ٹرک سے تیز رفتار کار ٹکرانے کے نتیجے میں کار پر سوار  پانچ لوگ جاں بحق ہوگئے جبکہ 13 لوگ شدید زخمی ہوگئے، مرنے والوں میں دو بچے بھی شامل ہیں جبکہ زخمی ہونے والوں میں بھی   ایک چھ ماہ کا   بچہ سمیت سات بچے  شامل ہیں ۔ حاد ثہ یادگیر ضلع کے ہالی چکرا گاوں کے قریب   نیشنل ہائی وے 150 پر منگل  صبح  قریب چار بجے  پیش آیا۔

ذرائع کے مطابق آندھرا پردیش کے نندیال ضلع کے ویلوگوڈو  کے  18 افراد  کروزر کار پر سوار گلبرگہ میں  خواجہ بندہ نواز درگاہ پر عرس میں شرکت کے لیے جا رہے تھے، جس کے دوران  ان کی تیز رفتار کار، سڑک کنارے پارک کی گئی ایک  ٹرک سے پیچھے سے ٹکراگئی۔ ٹکر اتنی شدید تھی کہ پوری کروزر کار ٹرک کے اندر گھس گئی ۔

مرنے والوں کی شناخت مُنیر (40)، نعمت اللہ (40)، رمیضہ بیگم  (50)، مدثر(12)اور سُمّی (12) کے طور پر کی گئی ہے۔

تمام  زخمیوں کو پہلے یادگیر  کے YIMS پھر بعد میں  زائد علاج کے لئے  رائچور کے RIMS میں شفٹ کیا گیا ہے۔ 

سیداپور پولیس اسٹیشن میں حادثہ کے تعلق سے  مقدمہ درج کیا گیا ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔