شیموگہ دھماکے میں آٹھ مزدوروں کی موت، متعدد زخمی، وزیراعظم نے مزدوروں کی موت پر رنج کا اظہار کیا

Source: S.O. News Service | Published on 23rd January 2021, 11:37 AM | ریاستی خبریں | ملکی خبریں |

شیموگہ،23؍جنوری (ایس او نیوز؍یو این آئی) وزیراعظم نریندر مودی نے کرناٹک کے شیموگہ شہری کے باہری علاقے میں پتھر کی کان میں ہوئے دھماکے میں آٹھ لوگوں کی موت پر رنج کا اظہار کیا۔ اس واقعہ میں کئی دیگر زخمی بھی ہوئے ہیں۔

مسٹر مودی نے جمعہ کو ٹوئٹر پر اپنے رنج کے پیغام میں کہا ”شیموگہ میں مزدوروں کی موت سے دکھی ہوں۔ غمزدہ کنبوں کے تئیں تعزیت”۔ انہوں نے حادثے کے متاثرین کو ہر ممکن مدد کی یقینی دہانی کرائی ہے۔اس دوران وزیراعلیٰ بی ایس ایڈی یورپا نے رنج کا اظہار کرتے ہوئے واقعہ کی فوری رپورٹ طلب کی اور ایک اعلی سطحی جانچ کا حکم بھی دیا ہے۔یہ واقعہ ٹرک میں رکھی جلاٹین کی چھڑوں میں طاقتور دھماکہ کے سبب پیش آیا۔ دھماکہ کے سبب شہر کے لوگ زلزلے کے خوف سے اپنے گھروں سے باہر نکل آئے تھے۔ شہر کے باہری علاقے میں واقع ہناسوڈو گاؤں کے نزدیک زبردست دھماکہ ہوا تھا اور جلاٹین کی چھڑوں سے بھرے ٹرک کے پرخچے اڑ گئے تھے۔ذرائع کے مطابق سبھی متاثرین بہار کے رہنے والے تھے اور اسٹون کرشنگ مقام پر مزدوری کرتے تھے۔

واضح رہے کہ شیموگہ کے نزدیک جمعرات کی دیر رات جلاٹین کی چھڑیاں لے جارہے ٹرک میں دھماکہ ہونے سے کم از کم 6/ مزدوروں کی موت اور متعدد دیگر زخمی ہوگئے۔پولیس نے جمعہ کو بتایاکہ دھماکہ اس وقت ہوا جب ایک ٹرک متاثرین سمیت کانکنی کے لئے دھماکہ خیز مادہ لے جارہا تھا۔ دھماکہ اتنا شدید تھا کہ ٹرک کے پرخچے اڑ گئے اور متاثرین کی لاشیں بری طرح مسخ ہوگئیں جس سے ان کی شناخت نہیں ہوسکی ہے۔شیموگہ کے پولیس سپرنٹنڈنٹ سمیت سینئر ضلع اور پولیس افسر جائے واقعہ پر پہنچ گئے ہیں۔ دھماکہ ایک بجری اور بولڈر کرشنگ کے نزدیک ہوا۔ دھماکہ اتنا شدید تھا کہ اس کی آواز شیموگہ سمیت آس پاس کے چک منگلور اور داونگیرے ضلعوں میں بھی سنائی دی۔

پولیس نے بتایا کہ اس دھماکے کی شدت اتنی تیز تھی کہ کئی گھروں کی کھڑکیوں کے شیشے ٹوٹ گئے اور سڑکوں پر بھی دراڑ پڑ گئی اور لوگ زلزلہ آنے کے خوف سے گھروں سے باہر نکل گئے -شیو موگا ضلع انتظامیہ کے افسران نے بتایا کہ دھماکہ کی وجہ سے ہوناسوڈو کے نزدیکی گاؤں میں گھنے گھوئیں کے غبار نظر آئے۔ ٹرک میں دھماکے سے اس میں سوار چھ لوگوں کی موقع پر ہی موت ہوگئی اور کئی دیگر زخمی ہوگئے۔ ابالاگیرے کی جانب جانے والی سڑک پر بڑی دراڑ پڑ گئی ہے۔ انہوں نے بتایا کہ اس واقعہ میں مرنے والوں کی تعداد میں اضافہ ہوسکتا ہے۔اس دوران وزیراعظم نریندر مودی نے دھماکہ متاثرین کی موت پر رنج کا اظہار کیا۔ مسٹر مودی نے ٹوئٹ کیا ”شیموگہ میں مزدوروں کی موت سے دکھی ہوں۔ غمزدہ کنبوں کے تئیں تعزیت۔ زخمیوں کی جلد صحت یاب ہونے کی دعا کرتا ہوں“۔ ریاستی حکومت متاثرین کو ہر ممکن مدد فراہم کررہی ہے۔

ایک نظر اس پر بھی

میسورو: جے ڈی ایس کی رکمنی مادے گوڈامیئر انور بیگ ڈپٹی میئر منتخب

بروز چہارشنبہ میسور سٹی کارپوریشن کے کونسل ہال میں منعقدہ میسور کے مئیر اور ڈپٹی مئیر کے انتخابات میں کانگریس اور جنتا دل(ا یس) نے ایک دوسرے کی حمایت کی، جس کی وجہ سے جے ڈی ایس کی وارڈ نمبر36کی کارپوریٹر رکمنی مادے گوڈا مئیر اور کانگریس کے وارڈ نمبر 10کے کارپوریٹر انور بیگ عرف ...

ریزرویشن بحران سے نپٹنے میں ایڈی یورپا حکومت ناکام: ایچ وشواناتھ

کرناٹک میں مختلف طبقات کی طرف سے ریزرویشن کے معاملہ پر تحریکیں شدت اختیار کررہی ہیں۔ ریزرویشن کی مانگ کرتے ہوئے مختلف طبقات کے افراد سڑکوں پر اتررہے ہیں اور احتجاجات شروع ہو چکے ہیں، لیکن ریاستی حکومت اس صورتحال سے نپٹنے میں پوری طرح ناکام ہو چکی ہے۔ یہ تبصرہ بی جے پی کے ہی رکن ...

بی بی ایم پی اڈمنسٹریٹر نے مختلف تعمیری کاموں کا معائنہ کیا

بروہت بنگلور مہا نگر پا لیکے(بی بی ایم پی) کی جانب سے اولڈ ائر پورٹ پر سگنل فری کاریڈار پراجیکٹ کے تحت ونڈ ٹینل روڈ جنکشن،سروجنی داس جنکشن اور کندلہلی جنکشن پر جاری انڈر پاس کے تعمیری کاموں کا آج بی بی ایم پی اڈمنسٹریٹر گورو گپتا نے معا ئنہ کیا اور کنٹراکٹروں کو مقررہ وقت پر ...

پارلیمانی اقدار میں گراوٹ پر سرکردہ شخصیات کا اظہار تشویش

آزادی سے پہلے ایک دور تھا جب ملک کے قائدین اس جذبے سے کام کرتے تھے کہ ملک کے لئے وہ وقف ہیں، لیکن آج کے سیاستدانوں کا رویہ یہ ہے کہ وہ سمجھتے ہیں کہ ملک ان کے لئے وقف ہے۔ ان خیالات کا اظہار وزیر اعلیٰ بی ایس ایڈی یورپا نے کیا۔

ہماچل: نابالغ کے ٹرانسپورٹ ضابطہ توڑنے پر گاڑی مالک کو ہوگی 3 سال کی جیل

 ہماچل پردیش میں اب نابالغ کی جانب سے ٹرانسپورٹ ضابطے کی خلاف ورزی پر گارجین یا گاڑی مالک کو مجرم مانا جائے گا اور انھیں 25 ہزار روپیے کے جرمانے کے ساتھ تین سال کی سزا ہو سکتی ہے۔ نابالغ پر زیبونائل جسٹس ایکٹ کے تحت مقدمہ ہوگا اور متعلقہ گاڑی کا رجسٹریشن بھی مسترد ہوگا۔

مودی حکومت کی کھرب پتیوں کے لیے بیٹنگ، عوام کمر توڑ مہنگائی سے دو چار، پرینکا گاندھی کا کرکٹ کی زبان میں حملہ

 گجرات میں واقع موٹیرا کرکٹ گراؤنڈ کا نام نریندر مودی اسٹیڈیم رکھے جانے کے ایک دن بعد گھریلو گیس سلنڈر کے داموں میں اضافہ ہونے پر کانگریس کی جنرل سکریٹری پرینکا گاندھی نے مودی حکومت پر کرکٹ کی زبان میں حملہ بولا ہے۔

بی جے پی سرکار ٹیکس پر ٹیکس لگا کر لوگوں کو خوف زدہ کر رہی ہے: غلام احمد میر

جموں و کشمیر پردیش کانگریس کمیٹی کے صدر غلام احمد میر کا الزام ہے کہ بی جے پی سرکار ٹیکس پر ٹیکس لگا کر لوگوں کو خوف زدہ کر رہی ہے۔ انہوں نے کہا کہ حکومت لوگوں کو بنیادی سہولیات فراہم کرنے کے بجائے غریبوں کے جیب کاٹ کر امبانی اور اڈانی کے جیب گرم کر رہی ہے۔