بنگلورو، 23؍ جون (ایس او نیوز) کووڈ۔19 کا پھیلاؤ کم ہونے کے  سبب  مزید 4 اضلاع میں حکومت نے اَن لاک کی رعایتیں دی ہیں، یہاں کووڈ پازیٹیو معاملات کی شرح 5 فیصد سے کم ہوگئی ہے۔ دکشن کنڑا، ہاسن، داونگیرے اور چامراج نگر میں صبح 6 بجے تا دوپہر 1 بجے تک ضروری اشیا کی خریداری کے لئے دکانیں کھلی رکھنے کی اجازت دی گئی ہے۔ 

حکومت مرحلہ ور مرحلہ ایک ایک ضلع میں رعایتیں دے رہی ہیں۔ پیر کے دن ہی شیمو گہ، بیلاری، وجئے پور، چترادرگہ، بنگلورو دیہی ضلع میں اَن لاک کا اعلان کیاگیا، مزید 4 اضلاع میں یہ رعایت دی گئی ہے۔ جبکہ میسورو، اُڈپی ، چکمگلورو ، کورگ میں لاک ڈاؤن برقرار رکھا گیا ہے۔

حکومت نے اپنے نوٹیفکیشن میں کہا ہے کہ جن 4 اضلاع میں رعایتیں  دی گئی ہیں وہاں صبح 6 بجے تا 1 بجے ضروری   اشیا کی دکانیں کھولی جاسکتی ہیں۔ ایئر کنڈیشن کے بغیر ہوٹل، قلب ، ریسٹوران میں دوپہر 1 بجے تک 50 فیصد گاہکوں کی سرویس کے لئے اجازت رہے گی۔ لیکن یہ شراب فروخت کرنے کی اجازت نہیں، آؤٹ ڈور شوٹنگ کی اجازت دی گئی ہے، بس اور میٹرو میں 50 فیصد مسافر سفر کرسکتے ہیں ۔ آؤٹ ڈور اسپورٹس اسٹیڈیم میں ناظرین کے بغیر اسپورٹس سرگرمیاں چلائی جاسکتی ہیں، سرکاری اور پرائیویٹ دفاتر میں 50 فیصد عملہ کام کرسکتا ہے۔ لاڈج اور ریسارٹ میں 50 فیصد گاہکوں کے لئے سرویس رہے گی۔ اسی طرح ائیر کنڈیشن کے بغیر جم چلانے اور 50 فیصد گاہکوں کے لئے اجازت رہے گی۔ صرف شام 7 بجے تک ہی سرکاری بسیں اور میٹرو چلیں گے، 7 بجے سے رات کا کرفیور رہے گا، اسی طرح جمعہ کی رات 7 بجے تا پیر کی صبح 6 بجے تک کرفیو رہے گا۔