کلکتہ کے ہڑتالی ڈاکٹروں کی حمایت میں اترے کرناٹکا کے ڈاکٹر۔ کالی پٹیاں باندھ کر کیا احتجاج

Source: S.O. News Service | By Shahid Mukhtesar | Published on 15th June 2019, 1:51 PM | ساحلی خبریں | ریاستی خبریں | ملکی خبریں |

بنگلور  15/جون (ایس او نیوز) کلکتہ کے این آر ایس میڈیکل کالج اسپتال میں مریض کی موت کے بعد ڈیوٹی پر موجود ڈاکٹروں پر مریضوں کے رشتے داروں نے جو حملہ کیا تھا اس کی مخالفت میں کلکتہ کے جونیئر ڈاکٹروں نے پچھلے کچھ دنوں سے ہڑتال کررکھی ہے۔کرناٹکاکے ڈاکٹر وں نے بھی انڈین میڈیکل ایسوسی ایشن کے پرچم تلے ان کی ہڑتالی ڈاکٹروں کی حمایت میں ایک روزہ ہڑتال کا اعلان کیا اور بازوؤں پر بطور علامت کالی پٹیاں باندھ کر ڈیوٹی انجام دی۔اس احتجاج میں سرکاری ڈاکٹروں کے علاوہ پرائیویٹ ڈاکٹر بھی شامل رہے۔

  کرناٹکا کے ڈاکٹروں کا کہنا تھا ایک 85سالہ مریض کے بعد رشتے داروں نے جس طرح وہاں ڈاکٹروں پر جان لیو احملہ کیا اور فی الحال وہ ڈاکٹر زندگی اورموت کی جنگ لڑ رہے ہیں۔ یہ صورت حال ملک میں کسی بھی مقام پر پیش آسکتی ہے اس لئے تمام ڈاکٹروں کی طرف سے اس واقعے کی مذمت کرنے اور متاثرہ ڈاکٹروں کے ساتھ اظہار ہمدردی کے لئے کرناٹکا کے ڈاکٹروں نے بھی علامتی ہڑتال کی ہے۔ ہڑتالی ڈاکٹروں نے مغربی بنگال کی حکومت کے رویے کی مذمت کی اور ڈاکٹروں کو کسی بھی قسم کا تحفظ فراہم نہ ہونے کی شکایت کی۔تقریباً5000 ڈاکٹروں نے بنگلورو میں انڈین میڈیکل ایسو سی ایشن (کرناٹکا چاپٹر) کے ریاستی دفتر کے باہر احتجاجی مظاہرہ کیا۔

ہوناور میں احتجاج:    آئی ایم اے کے بینر تلے ہوناور میں بھی ڈاکٹروں نے احتجاجی مظاہرہ کیا۔ احتجاجی ڈاکٹروں کا کہنا تھا کہ جو پیدا ہوتا ہے اس کے لئے موت کا آنا فطری بات ہے۔ ڈاکٹرکا مطلب کوئی خدا تو نہیں ہوتا پھر بھی وہ اپنی جان کی پروا کیے بغیر اپنی ممکنہ استعداد سے بڑھ کر مریضوں کی جان بچانے کی کوشش کرتے ہیں۔مگر مریض کی موت کو ڈاکٹروں کی غلطی قرار دے کر ان پر حملے کی وارداتیں بڑھتی جارہی ہیں۔

 ہڑتالی ڈاکٹروں نے مطالبہ کیا کہ ریاستی حکومت کے قانون میں ڈاکٹروں پر حملہ کرنے والوں کے لئے جو تین سال کی سزا مقرر کی گئی ہے، اسے بڑھا کر سات سال کرنا چاہیے۔ہوناور تعلقہ آئی ایم اے کی صدر ڈاکٹر امرتا بالکور اور سیکریٹری ڈاکٹر وشالی نے متنبہ کیا کہ اگر حکومت کی طرف سے ڈاکٹروں کے مناسب تحفظ کا بندوبست نہیں کیا گیا تو پھر آئندہ سخت احتجاج کیا جائے گا۔

سرسی میں بھی احتجاج:    کولکتہ کے ہڑتالی ڈاکٹروں کی حمایت میں سرسی میں بھی آئی ایم اے سرسی شاخ کے زیر اہتمام ڈاکٹروں نے علامتی ہڑتال کی اور احتجاجی مظاہرہ کرتے ہوئے اسسٹنٹ کمشنرڈاکٹر ایشور اولا گڈّی کو میمورنڈم دیا۔ہڑتالی ڈاکٹروں نے بتایا کہ وہ انڈین میڈیکل ایسوسی ایشن کے ذریعے کیے جانے والے تمام فیصلوں کو قبول کرتے ہوئے اس پر عمل کریں گے۔ہڑتال میں شامل ڈاکٹروں نے مطالبہ کیا کہ ڈاکٹروں پر حملہ کرنے والوں کو سخت قانونی سزا ہونی چاہیے۔

منگلورومیں ڈاکٹروں اورنرسوں کامظاہرہ:    منگلورو ڈاکٹروں اور پیرامیڈیکل اسٹاف نے بازوؤں پر کالی پٹیاں باندھ کر احتجاجی مظاہرہ کیا۔ مظاہرین سے خطاب کرتے ہوئے آئی ایم اے منگلورو صدر ڈاکٹر بی سچیوا نندشیٹی نے ملک میں مختلف مقامات پر ڈاکٹروں پر ہونے والے حملوں کی مذمت کی اور ان کے لئے تحفظ کا مطالبہ کیا انہوں نے کہا کہ مرکزی حکومت کی کو حکومت کو چاہیے کہ ڈاکٹروں کوا پنی پیشہ ورانہ خدمات انجام دیتے وقت مناسب تحفظ فراہم کرنے کے لئے قانون میں ترمیم کرتے ہوئے سخت کارروائی والا قانون وضع کرے تاکہ ڈاکٹر بے خوف وخطر اپنی خدمات انجام دے سکیں۔

اڈپی میں احتجاجی مظاہرہ:    ڈاکٹروں پر مریضوں کے رشتے دار اور گروہوں کی طرف سے ہورہے حملوں اور کولکتہ کے تازہ معاملے کی مذمت کرتے ہوئے آئی ایم اے اڈپی ضلع شاخ کے پرچم تلے احتجاجی مظاہرہ کیا گیا۔اور ایڈیشنل ڈپٹی کمشنر ودیا کماری کی معرفت وزیر اعظم اور وزیر داخلہ کو میمورنڈم پیش کیا گیا۔جس میں ڈاکٹروں کے تحفظ کے لئے مرکزی حکومت کی طرف سے سخت قوانین وضع کرنے کا مطالبہ کیا گیا ہے۔    
 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...