کرناٹک سیاسی بحران : کمار سوامی حکومت کو آج چھ بجے تک دینا ہوگا فلور ٹیسٹ

Source: S.O. News Service | By Shahid Mukhtesar | Published on 22nd July 2019, 1:06 PM | ریاستی خبریں |

بنگلورو،22؍جولائی (ایس او نیوز؍ایجنسی) کرناٹک میں ایچ ڈی کمار سوامی کی قیادت والی کانگریس اور جے ڈی ایس اتحادی حکومت کیلئے پیر کو اگنی پریکشا کا دن ہے ۔ اسمبلی میں فلور ٹیسٹ ہونا ہے ، جہاں کمار سوامی حکومت کو اکثریت ثابت کرنا ہے ۔ اسمبلی اسپیکر کے آر رمیش کمار نے اتحادی حکومت کو اکثریت ثابت کرنے کیلئے شام چھ بجے تک کا وقت دیا ہے ۔ کانگریس – جے ڈی ایس نے اس کیلئے ہامی بھر دی ہے ۔ اسمبلی اسپیکر نے یہ بھی بتادیا ہے کہ 16 باغی ممبران اگر ایوان میں نہیں پہنچتے ہیں تو انہیں غیر حاضر مانا جائے گا۔

دھر فلور ٹیسٹ سے پہلے کرناٹک کے سنکٹ موچک مانے جانے والے وزیر ڈی کے شیو کمار نے اتحادی حکومت بچانے کیلئے آخری داو چل دیا ہے ۔ باغی ممبران کو راضی کرنے کیلئے وزیر اعلی کمار سوامی کی جگہ پر کسی اور کو وزیر اعلی بنایا جاسکتا ہے ۔ ڈی کے شیو کمار کا کہنا ہے کہ جے ڈی ایس حکومت بچانے کیلئے کسی بھی طرح کی قربانی کیلئے تیا رہے ۔ یہی نہیں ایچ ڈی کمار سوامی کی پارٹی کانگریس کی جانب سے کسی کو وزیر اعلی بنانے کیلئے بھی تیار ہے ۔

دوسری طرف بہوجن سماج پارٹی کے این مہیش نے کہا ہے کہ اعلی کمان نے فلور ٹیسٹ کے دوران حاضر نہیں رہنے کیلئے کہا ہے ، اس لئے انہوں نے پیر اور منگل کو سیشن میں حصہ نہیں لینے کا فیصلہ کیا تھا ۔ حالانکہ ان کے بیان کے کچھ گھنٹوں بعد بی ایس پی سپریمو مایا وتی نے ٹویٹ کیا اور کہا کہ انہوں نے ممبر اسمبلی کو کمار سوامی کی حکومت کے حق میں ووٹ دینے کی ہدایت دی ہے ۔

خیال رہے کہ کانگریس کے 13 اور جے ڈی ایس کے تین ممبران اسمبلیوں نے استعفی دیدیا ہے جبکہ آزاد ممبران اسبملی آر شنکر اور ایچ ناگیشن نے اتحادی حکومت سے اپنی حمایت واپس لے لی ہے ۔ اب آزاد امیدواروں کی حمایت کے ساتھ اپوزیشن پارٹی بی جے پی کے پاس 225 رکنی اسمبلی میں 107 ممبران اسمبلی ہوگئے ہیں ۔ وہیں استعفی دینے والے ممبران کو ہٹادیا جائے تو اتحادی حکومت کے پاس صرف 101 ممبران ہی باقی رہ گئے ہیں ۔

کانگریس کے ایک رکن رام لنگ ریڈی نے کہا کہ وہ حکومت کی حمایت کریں گے ۔ حکمراں اتحاد کی طاقت 117 ممبران اسمبلی کی ہے ، جس میں کانگریس 78 ، جے ڈی ایس 37 ، بی ایس پی ایک اور اسپیکر کے علاوہ ایک نامزد رکن ہیں ۔

ایک نظر اس پر بھی

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔