بنگلورو،19؍جنوری (ایس اونیوز) بنگلور وشہر سمیت ریاست بھر میں کووڈ کے معا ملات میں دوبارہ اضافہ ہو نے لگا ہے۔ گزشتہ 24گھنٹوں کے دوران بنگلور شہر میں 25,595 سمیت ریاست بھر میں کووڈ کے41,457معا ملات سامنے آئے ہیں۔جبکہ ریاست بھر میں 20کووڈ مریض فوت ہو ئے ہیں۔ ریاستی وزیر برائے صحت ڈاکٹر سدھا کر نے ٹو ئٹر کے ذریعہ اعداد و شمار بتا ئے ہیں۔

انہوں نے کہا ہے کہ ریاست بھر میں گزشتہ24گھنٹوں کے دوران 1لاکھ85ہزار872افراد کا کووڈ ٹسٹ کیا گیا جس میں 41ہزار457افراد کی رپورٹ پازیٹیو پا ئی گئی ہے۔ ریاست میں کوڈ پازیٹیو یٹی شرح بڑھ کر22.30فیصد ہو چکی ہے۔بنگلور شہر میں 1.78لاکھ سمیت ریاست بھر میں کووڈ متا ثرین کی کل تعداد2لاکھ50ہزار381تک پہنچ چکی ہے۔آج 8,353افراد صحت یاب ہو کر اسپتالوں سے ڈسچارج ہو ئے ہیں۔کووڈ کی وجہ سے آج بنگلور شہر میں 7 سمیت ریاست بھر میں 20افراد کی موت ہو ئی ہے۔