ریاستی بی جے پی کے 6؍ وزراء کی عرضی مستر دکروانے کا نگریس عرضی داخل کرے گی
بنگلورو، 8؍مارچ (ایس ا ونیوز ) ریاستی بی جے پی وزیر کی سیکس ویڈیو وائر ل ہونے کے معاملہ میں بی جے پی کے 6؍ وزراء نے عدالت میں جو عرضی داخل کی ہے ان وزراء کے خلاف اس ویڈیو کے سلسلہ میں میڈیا یا سوشیل میڈیا پرکوئی تبصرہ یا خبر شائع کرنے پر پابندی عائد کی جائے۔ 6 ؍وزراء کی داخل کرده اس عرضی کے خلاف اس کانگریس لیڈروں نے بھی عدالت میں وزراء کی اس درخواست اور عرضی کو مسترد کرنے کیلئے اپیل داخل کرنے والے ہیں ۔
کے پی سی سی کسان یونٹ کے صدر سچن میگا نے بیان دیا ہے کہ وزیر برائے زراعت اور دیگر 5 ؍وزراء نے عدالت میں جو یہ عرضی داخل کی ہے کہ میڈیا اور سوشیل میڈیاپر پابندی عائد کی جائے کہ ان کے تعلق سے سیکس ویڈیو سے تعلق کوئی تبصرہ یا خبر نشر کی جائے نہ شائع کی جائے۔ اس عرضی کومسترد کر کے اس سلسلہ میں عرضی داخل کرنے والے دنیش کلہلی کی اس سی ڈی سے متعلق سچ بولنے والی مشین کے آگے پیش کر کے سچائی معلوم کی جائے اور ایسی سی ڈی کی تشہیر پر پابندی نہ لگائی جائے اوراگر ایسی سی ڈی پر پابندی عائد کرنا ضروری ہے تو پھر عدالت کو چاہئے کہ وہ گورنر سے سفارش کر کے ان وزراء کو کابینہ سے برطرف کرنے کیلئے عدالت سے درخواست کی جائے گی ۔ ساتھ ہی یہ مطالبہ بھی کیا جارہا ہے کہ گورنر فوری ان 6 ؍وزراء سے استعفیٰ طلب کریں۔