بغیر نوکری کے راون راج بنانا چاہتے ہیں وزیراعظم مودی:سدارامیا

Source: S.O. News Service | By Shahid Mukhtesar | Published on 7th August 2019, 9:52 PM | ریاستی خبریں | ملکی خبریں |

نئی دہلی، 7 اگست(ایس او نیوز/آئی این ایس انڈیا)کرناٹک کے سابق وزیراعلیٰ سدارامیا نے نریندر مودی حکومت پر نشانہ لگایا۔سدارمیانے کہاہے کہ ہم رام راج بنانے کے لیے مرضی کی ضرورت ہے،ہمیں کھانا خریدنے کے لئے نوکری کی ضرورت ہے، لیکن نوکری کہاں ہے۔میک ان انڈیا،مدرایوجنا،اسٹارٹ اپ انڈیا سے کیا ہوا،بغیر نوکری کے کیا پی ایم نریندر مودی راون راج بنانا چاہتے ہیں۔کرناٹک اسمبلی میں اعتمادکاووٹ ہارنے کے بعد کانگریس۔ جے ڈی ایس حکومت گر گئی تھی۔اس کے بعد کرناٹک میں بی جے پی کی حکومت بنی تھی اوریدی یورپا نے ریاست کے وزیر اعلی کا حلف لیا تھا۔اس کے بعد سے مسلسل سدارمیا بی جے پی حکومت پر نشانہ سادھ رہے ہیں۔اس سے پہلے سدارمیا نے ریاستی حکومت پر کابینہ توسیع کو لے کر نشانہ لگایا تھا۔سدارمیا نے کہا تھاکہ یدی یورپا نے جتنی تیزی حلف برداری میں دکھائی تھی اتنی ہی تیزی کابینہ میں توسیع کرنے میں کیوں نہیں دکھا رہے ہیں۔سدارمیا نے کہا تھاکہ بی ایس یدی یورپا نے حلف برداری میں بڑی جلدی دکھائی، لیکن کابینہ میں توسیع کرنے میں یہ جلدی غائب ہے۔سیلاب اور قحط سے لوگ بے بس ہے، انتظامیہ نے کام کرنا بند کر دیا ہے، یہ جمہوریت ہے یا آمریت۔غور طلب ہے کہ کرناٹک میں کانگریس کے 13 اور جے ڈی ایس کے 3 ممبران اسمبلی کے استعفیٰ دینے کے بعد کمارسوامی حکومت اقلیت میں آگئی تھی۔اس کے بعد جے ڈی ایس لیڈر کمارسوامی کو سی ایم عہدے سے استعفیٰ دینا پڑا تھا۔

ایک نظر اس پر بھی

ریاستی حکومت نے آئی ایم اے فراڈ کیس کی جانچ سی بی آئی کے حوالے کیا

ریاست کی سابقہ کانگریس جے ڈی ایس حکومت کے دور میں کی گئی مبینہ ٹیلی فون ٹیپنگ کی سی بی آئی جانچ کے ا حکامات صادر کرنے کے دودن بعد ہی آج ریاستی حکومت نے کروڑوں روپیوں کے آئی ایم اے فراڈ کیس کی جانچ سی بی آئی کے سپرد کرنے کا فیصلہ کیا ہے۔

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔