بنگلورو، 9؍اکتوبر (ایس او نیوز) جنتا دل سیکولر (جے ڈی ایس) کے رہنما اور کرناٹک کے سابق وزیر اعلیٰ ایچ ڈی کمار سوامی کے بعد کرناٹک کانگریس کے سربراہ ڈی کے شیوکمار نے بھی ریاست میں بیوروکریٹس کو تربیت دینے کے لیے راشٹریہ سویم سیوک سنگھ (آر ایس ایس) پر تنقید کی۔میڈیا سے بات کرتے ہوئے کرناٹک کانگریس کے سربراہ نے ریاست میں بی جے پی زیرقیادت حکومت پر الزام عائد کیا کہ وہ 'اے بی وی پی کے پیروکاروں اور اسی نظریات کے لوگوں' کو سرکاری عہدوں پر بھرتی کررہا ہے۔

انہوں نے کہا، 'آر ایس ایس اپنے ملازمین کو حکومت میں اعلیٰ عہدوں پر بٹھانے کے لیے تعلیمی ادارے اور ودیالہ شروع کررہی ہے۔ انہوں نے دعوی کیا کہ کرناٹک میں امن و امان نہیں ہے۔

شیوکمار نے مزید کہا، 'اس طرح کی صورت حال نہ صرف کرناٹک میں بلکہ تمام بی جے پی حکومت والی ریاستوں میں بھی ترقی کر رہی ہے۔'

دوسری طرف اتر پردیش کے لکھیم پور کھیری میں تشدد پر تبصرہ کرتے ہوئے کانگریس رہنما نے ریاستی پولیس پر زور دیا کہ وہ از خود مقدمہ درج کرے اور 'کسانوں کے قتل' کے ملزم کو گرفتار کرے۔ اس سے قبل منگل کے روز بیدادی میں جے ڈی (ایس) کے کارکنان کے لیے منعقدہ ایک ورکشاپ کے موقع پر میڈیا سے بات کرتے ہوئے ایچ ڈی کمار سوامی نے الزام لگایا کہ آر ایس ایس نے وقت کے ساتھ ساتھ اس ملک میں 4000 سرکاری ملازمین کو تربیت دی ہے۔ آئی اے ایس، آئی پی ایس افسران بھرتی بیوروکریسی کا حصہ ہے۔

وہیں کمار سوامی نے ایک وضاحت جاری کی اور کہا کہ انہوں نے کبھی کسی تنظیم کا نام نہیں لیا اور کہا کہ 'میں نے کسی انجمن، تنظیم یا پارٹی کے بارے میں بات نہیں کی ہے۔ میں نے کئی مصنفین کی لکھی ہوئی اہم کتابیں پڑھیں۔ جے ڈی ایس رہنما نے کہا کہ یہ صرف کتابوں میں لکھی گئی کچھ چیزیں ہیں۔