یادگیر میں وزیراعلیٰ نے میڈیکل کالج کیلئے سنگ بنیاد رکھا

Source: S.O. News Service | Published on 7th January 2021, 11:57 AM | ریاستی خبریں |

بنگلورو،7؍جنوری (ایس او نیوز)یادگیر میں میڈیکل کالج قائم کرنے اس علاقہ کے دیرینہ مطالبہ کو پورا کرتے ہوئے وزیراعلیٰ بی ایس ایڈی یورپا نے آج یادگیر سے قریب مڈنل دیہات میں میڈیکل کالج کی تعمیر کے لئے سنگ بنیاد رکھا۔

یادگیر انسٹی ٹیوٹ آف میڈیکل سائنس 325کروڑ روپئے کی لاگت سے تعمیر ہوگا۔ مرکزی اسپانسر اسکیم کے تحت اس کالج کو دیگر تین کالجوں کے ساتھ میڈیکل کونسل آف انڈیا نے منظوری دی ہے۔اس کالج کی تعمیر کے لئے دونوں مرکز اور ریاست نے اپنے اپنے حصہ کا فنڈ جاری کیا ہے۔اس کالج کے لئے اگلے تعلیمی سال سے داخلوں کی کارروائی شروع ہوجائے گی۔ضلع کی تین سو بستروں والی اسپتال سے قریب اس میڈیکل کالج کو تعمیر کیا گیا ہے۔مذکورہ اسپتال اس کالج کا ٹیچنگ اسپتال ہوگا۔

اس موقع پر وزیراعلیٰ نے دیگر سرکاری عمارتوں کا بھی افتتاح کیا جن میں ضلعی اسپتال بھی شامل ہے۔ اس تقریب میں وزیر صحت ڈاکٹر سدھاکر و نائب وزیر اعلیٰ لکشمن ساودی،ضلع انچارج وزیر پربھوچوہان اور مقامی ایم ایل اے نے بھی شرکت کی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔