بنگلورو،30/مئی(یواین آئی) وزیراعلیٰ ایچ ڈی کمارسوامی جمعرات کو نئی دہلی میں نو منتخب وزیراعظم نریندرمودی کی حلف برداری تقریب میں شریک ہوں گے۔سرکاری ذرائع کے مطابق مسٹر کمارسوامی کل نئی دہلی آئیں گے اور حلف برداری پروگرام میں حصہ لیں گے۔لوک سبھا انتخابات میں بی جے پی کی قیادت والی قومی جمہوری اتحاد(این ڈی اے)کو زبردست اکثریت ملنے کے بعد مسٹر مودی 30مئی کو مسلسل دوسری مرتبہ وزیراعظم کے عہدے کا حلف لیں گے۔لوک سبھا کی 543سیٹوں میں سے 542سیٹوں پر ہوئے الیکشن میں این ڈی اے نے 350 سے زیادہ سیٹیں جیتی ہیں۔پارٹی کے ذرائع نے یواین آئی کو بتایا کہ بی جے پی کی کرناٹک اکائی کے صدر بی ایس یڈیورپا بھی مسٹر مودی کے حلف برداری پروگرام میں حصہ لیں گے۔