ریاستی کابینہ کی تشکیل کیلئے گرین سگنل ؛ آج دوپہر2بجے وزراء کی حلف برداری تقریب
بنگلورو،4؍ اگست(ایس او نیوز) وزیر اعلیٰ بسواراج بومئی کی قیادت میں نئی ریاستی کابینہ تشکیل دینے بی جے پی ہائی کمان نے گرین سگنل دے دیا ہے - کل 4 اگست دوپہر2.15 بجے نئے وزراء کو حلف دلانے حلف برداری تقریب منعقد ہوگی-
ذرائع کے مطابق وزیراعلیٰ بومئی کل صبح بنگلورلوٹ آئیں گے -یہ بھی اطلاع ملی ہے کہ سابق وزیراعلیٰ بی ایس ایڈی یورپا کے کسی بھی طرفدار رکن اسمبلی کی کابینہ میں شامل نہ کرنے پارٹی ہائی کمان نے بومئی کو ہدایت دی ہے -حالانکہ ایڈی یورپا نے بومئی کابینہ میں ہرحال میں یلہنکا کے رکن اسمبلی ایس آر وشواناتھ، سابق وزیر آر اشوک، بومن ہلی کے ستیش ریڈی اور کوٹے سرینواس پجاری کو شامل کرنے لابی چلائی ہے -ان میں سے آر اشوک کی شمولیت تو یقینی ہے -
کہا جارہا ہے کہ وزیراعلیٰ بومئی آج دہلی میں بی جے پی صدر جے پی نڈا سے ایک گھنٹے سے زیادہ ملاقات کے دوران بومئی کابینہ میں شامل کئے جانے والے وزراء کی فہرست کو حتمی شکل دے دی ہے - یہ فہرست آج رات دیر گئے جاری کئے جانے کا امکان ہے -
ذرائع کے مطابق دومرحلوں میں کابینہ کی توسیع ہوگی -پہلے مرحلہ میں بشمول ستیش ریڈی، سنیل کمار، ابھئے پاٹل، پورنیما سرینواس اروند بلید،منی رتنا، بی وائی وجیندرا، وترتریاپاٹل 24 وزراء کو کابینہ میں شامل کئے جانے کا امکان ہے -ذرائع کے مطابق ابھی جگدیش شٹر،سریش کمار وی سومنا،پربھو چوہان،سی سی پاٹل، لکشمن ساروھی سشی کلا جولے کے علاوہ دیگر چند سینئر لیڈروں کی کابینہ میں شمولیت مشکوک ہے-