20؍ستمبر کو سی ای ٹی نتائج کا اعلان کیا جائے گا:اشوتھ نارائن
بنگلورو،29؍اگست (ایس او نیوز) کرناٹک کے وزیر برائے اعلیٰ تعلیم ڈاکٹر سی این اشوتھ نارائن نے آج کہا کہ کرناٹکا کامن اینٹرنس ٹسٹ (کے سی ای ٹی) نتائج 2021 کا اعلان 20ستمبر کو کیا جائے گا۔کے سی ای ٹی آج28اگست کو دوپرچے بیولوجی اور میتھس ہوچکے ہیں۔کل بروز اتوار دو پرچوں کیمسٹری اور فزکس کا ٹسٹ ہوگا۔ شہر بنگلورو کے 86امتحانی مراکز اور ریاست کے 444مراکز میں طلباء سی ای ٹی امتحان لکھ رہے ہیں۔آئی اے این ایس کے نارائن کے مطابق جنہوں نے شیشادری پورم کالج کے سی ای ٹی مرکز کی سہولتوں کیا معائنہ کرنے کے بعد نامہ نگاروں کو بتایا کہ کونسلنگ کی کارروائی ماہ اکتوبر کے پہلے ہفتہ میں شروع ہوگی۔انہوں نے بتایا کہ آج کا سی ای ٹی امتحان سہل رہا۔جن طلبا کا ٹسٹ کووڈ پازیٹیو پایاگیا،ان کے لئے علاحدہ انتظامات کئے گئے تھے۔ ریاست سے کہیں سے بھی کسی تکلیف کی خبر نہیں ملی جن میں سرحدی علاقے بھی شامل ہیں۔وزیر برائے اعلیٰ تعلیم نے بتایا کہ سی ای ٹی2021 کے لئے 2,01,816 امیدواروں نے اپنے ناموں کا اندراج کروایاتھا۔ اس سے قبل نارائن نے بتایا کہ بیرونی ریاستوں اور سرحدی علاقوں کے کنڑی گا امیدواروں کے لئے 30اگست کو 6مقامات پر کنڑا زبان کا ٹسٹ منعقد کیاجائے گا۔انہوں نے بتایا کہ اس امتحان کو سہل طریقہ سے منعقد کرنے530مشاہدین، 1,060 خصوصی انوجلیش اسکواڈ اراکین، 530کسٹوڈین، تقریباً 8,409انوجلیٹروں اور کل 20,415افسروں اور ملازمین کو تعینات کیا گیا ہے۔