تیسری بار کرناٹک کابینہ میں کی توسیع 7 وزرا کی حلف برداری 

Source: S.O. News Service | Published on 13th January 2021, 9:56 PM | ریاستی خبریں |

بنگلور،13جنوری (ایس او نیوز) بدھ کے روز کرناٹک میں 17 ماہ پرانے کابینہ میں توسیع کرتے ہوئے وزیر اعلیٰ یدی یورپا نے 7 نئے وزرا کو شامل کیا۔

راج بھون میں منعقدہ ایک تقریب میں گورنر وجوبھائی والا نے وزرا ء کو عہدے اور رازداری کا حلف دلایا۔ نئے وزرا میں ایم ایل اے امیش کٹی (ہوکیری) ایس انگارا (سلیا)، مورگیش نیرانی (بلگی)، اروند لمباولی (مہادیو پورہ)، ایم ایل سی آر کے،شنکر، ایم ٹی بی ناگراج اور سی پی یوگیشورشامل ہیں

۔حلف برداری کی تقریب میں وزیراعلیٰ یدی یورپا، ان کی کابینہ کے ممبران، بی جے پی قائدین اور عہدیداروں، پارٹی کے جنرل سکریٹری اور کرناٹک کے انچارج ارون سنگھ، ریاستی بی جے پی کے صدر نلن کمار کتیل، نئے وزراء کے کنبہ کے ممبران اور حامیوں نے شرکت کی۔

غور طلب ہے کہ یدی یورپا کے جولائی 2019 میں دوبارہ وزیر اعلیٰ بننے کے بعد ریاستی کابینہ میں یہ تیسری توسیع ہے۔ 

ایک نظر اس پر بھی

 حکومت نے وزارت کا بنایا ہے مذاق ۔ قلمدان بدلنے کا کھیل جاری،  سدھا کر کو میڈیکل ایجوکیشن واپس، مادھو سوامی اور آنند سنگھ کے قلمدانوں میں ادلا بدلی۔ آنند سنگھ مستعفی ہوسکتے ہیں

  وزیر اعلیٰ بی ایس یڈیورپا نے  دوبارہ دو وزراء  کے قلمدان بدلے ہیں۔ بی جے پی کے سینئر رکن اسمبلی جے سی مادھو سوامی ، آنند سنگھ اور سی پی یوگیشور کے قلمدان دو بارہ بدلے گئے ہیں جبکہ وزیر صحت ڈاکٹر کے سدھا کر صحت کے ساتھ میڈیکل تعلم کا قلمدان واپس حاصل کرنے میں کامیاب رہے ۔

وزیر محصولات اشوک کے پی اے پررشوت مانگنے  کا الزام ،  شرنگیری کے سب رجسٹرار سے بات چیت کا آڈیو وائرل

ریاستی وزیر  محصولات آراشوک کے پی اے گنگادھر کی طرف سے شرنگیری کے سب رجسٹرار سے رشوت کا مطالبہ کئے جانے کا ایک آڈیو وائرل ہوجانے کے سبب ریاست کے سرکاری حلقوں میں ہلچل مچ گئی ہے۔ 

بنگلورو میں بھی 26 ؍جنوری کو کسانوں کی بہت بڑی ٹریکٹر ریلی؛ پولس نے اجازت دینے سے کیا انکار

مرکزی حکومت کی طرف سے لائے گئے   زرعی  قوانین کے خلاف دہلی  میں کسانوں نے جس طرح کی ٹریکٹر ریلی  نکالنے کا اعلان کیا ہے۔  اسی طرز پر بنگلورو میں بھی کسانوں نے یوم جمہور یہ کے موقع پر ہی بہت بڑی ٹریکٹر ریلی نکالنے کا فیصلہ کیا ہے۔ یہ اعلان اتوار کے روز کرناٹکا راجیہ رعیت سنگھا ...

غیر قانونی طور پر منگلورو پہنچانے کے لئے تیار کیا جارہا 4 ٹن بیف اور7موٹر گاڑیاں ضبط ۔ 2 ملزمین گرفتار

مچھلی رفت کرنے کے پلاسٹک ڈبوں میں چھپا کر غیر قانونی طور پر منگلورو پہنچانے کے لئے تیار کیا  جا رہا 4 ٹن بیف پولیس نے ضبط کرتے ہوئے دو ملزمین کو گرفتار کرلیا۔ اس کے علاوہ 7موٹر گاڑیاں بھی ضبط کرلی گئیں۔