ریاست میں ایل کے جی سے 5ویں تک آن لائن تعلیم پرپابندی ،7ویں تک توسیع زیر غور اور ایس ایس ایل سی امتحانات متعینہ تواریخ پر منعقد کرنے کرناٹک کابینہ کا اہم فیصلہ
بنگلورو:11؍جون (ایس اؤ نیوز) بدھ کو ریاستی وزیر تعلیم سریش کمار نے ایل کے جی، یوکے جی سمیت پنجم جماعت تک آن لائن تعلیم نہ ہونے کی جانکاری دی تھی ۔ اسی کو 7ویں تک توسیع کئے جانے کی ریاستی کابینہ کے چند وزراء نے رائے دی ہے ، جس پر حکومت غور کررہی ہے اور اسی طرح متعینہ تواریخ پر ہی ایس ایس ایل سی امتحانات منعقد کرانے کا آج منعقدہ ریاستی کابینہ میں فیصلہ لئے جانے کی ریاستی وزیر برائے قانون جے سی مادھو سوامی نے جانکاری دی ہے۔
انہوں نے اخبارنویسوں کوبتایا کہ کابینہ میں بنگلورو مرکزی یونیورسٹی کا نام بدل کر بنگلورو شہری یونیورسٹی کرنے کا بھی کابینہ میں فیصلہ لیاگیا ہے۔ چونکہ بنگلورو سنٹرل یونیورسٹی کے نام پر شہر میں مرکزی حکومت کی ایک یونیورسٹی ہے اسی لئے نام تبدیل کیا گیا ہے۔ اسی طرح سنٹرل کالج کے صحن میں واقع سرکاری سائنس کالج کو علاحیدہ کرتے ہوئے نرپتنگا یونیورسٹی کے نام سے ایک نئی یونیورسٹی قیام کیا جائے گا۔ کرناٹکا اوپن یونیورسٹی قانون میں ترمیم کرتے ہوئے صرف ایک اوپن یونیورسٹی باقی رکھناطئے کیا گیا ہے ،ریاست میں موجود بقیہ اوپن یونیورسٹیوں کو مجوزہ اوپن یونیورسٹی میں ضم کیا جائے گا۔
وزیر قانون مادھوسوامی نے بتایا کہ اُڈپی ضلع کی بیندورگرام پنچایت میں یڈتارے ، پڈوواری گرام پنچایت ضم کرتے ہوئے بیندور گرام پنچایت کو پٹن پنچایت کا درجہ دئیے جانے کا ریاستی کابینہ میں فیصلہ لیاگیا ہے۔