بنگلورو،18؍اکتوبر(ایس او  نیوز) کرناٹک کے سرااور راجہ راجیشوری نگر اسمبلی حلقوں کے ضمنی انتخابات کے لئے امیدوارو ں نے جو نامزدگی کے کاغذات داخل کئے ہیں ہفتہ کے روز ان تمام کی جانچ کی گئی۔ سرا اسمبلی حلقہ میں ایک پرچے اور راجہ راجیشوری نگر میں تین نامزدگیوں کو مسترد کردیا گیا۔ سرا اسمبلی حلقہ سے جملہ 17امیدوار وں کی نامزدگیوں کو درست پایا گیا ہے جبکہ ایک نامزدگی کو مستردکردیا گیا ہے راجہ راجیشوری نگر میں جملہ 20امیدواروں نیاپنا پرچہ نامزدگی داخل کیا ہے ان میں سے 3نامزدگیوں کو مسترد کردیا گیا ہے۔ امیدواروں کی نامزدگی کی جانچ کا کام پورا ہونے کے ساتھ ہی ان دونوں حلقوں میں ایک دوسرے کے خلاف بیشتر امیدوار صف آراء نظر آ رہے ہیں۔ پیر کے روز نامزدگی واپس لینے کی آخری تاریخ کے ساتھ ہی  ان دنوں حلقو ں میں سیاسی جنگ کے لئے امیدوار ایک دوسرے کے خلاف صف آراء ہو جائیں گے۔