میسور :21؍ستمبر(ایس اؤ نیوز)21اکتوبر کو ریاست میں ہونے والے ضمنی انتخابات میں جے ڈی ایس سبھی 15حلقوں سےاپنے  امیدوار میدان میں اتارنے کا سابق وزیر اعلیٰ کمار سوامی نے اعلان کیا۔

وہ یہاں اخباری نمائندوں سے بات کرتے ہوئے کہاکہ پارٹی آزادانہ طورپر مقابلہ کرے گی، 8سے 10نشستوں پر جیت کا اعتماد ہے۔ ضمنی انتخابات کےنتائج پر ریاست کی سیاست تبدیل ہونے کے امکانات ہیں۔ جے ڈی ایس، کانگریس زائد نشستوں پر جیت حاصل کرتے ہیں تو حکومت گر نے کی بات کہی۔ اپنی حکومت پر تبصرہ کرتے ہوئے کہاکہ کیامیں نے بہت ہی خراب حکومت کی ہے، کانگریس کے ساتھ مخلوط حکومت تشکیل دینے کی وجہ سے جے ڈی ایس کارکنان مجھ سے دور ہوئے ، کسانوں کے قرضے معاف کرنے کا واحد مقصد لے کر تکالیف کے دوران بھی مخلوط حکومت سنبھالی تھی ۔ کسانوں اور غریبوں کے لئے کئی منصوبہ جات جاری کئے لیکن اس کی تشہیر نہیں ہونے پر بیزارگی کا اظہار کیا۔

برسراقتدار بی جےپی پر کڑی تنقید کرتے ہوئے کمار سوامی نے کہاکہ موجودہ بی جےپی کی حکومت سیلاب کے حالات کو ٹھیک طرح سے نبھایا نہیں ہے ہم اسی کو موضوع بنا کر ضمنی انتخابات لڑیں گے۔ وزیراعظم امریکہ جا کر کروڑوں روپیہ خرچ کرتے ہیں، لیکن سیلاب کی وجہ سے سڑک پر زندگی گزارنے پر مجبور ہوئے متاثرین کی تکالیف سماعت کرنے کا ان کے پاس وقت نہیں ہے۔ کارپوریٹ کمپنیوں کے ٹیکس میں کمی کی جاتی ہے، متاثرین کے لئے ایک پیسہ بھی نہیں دیتے ، مخلوط حکومت گرانے کے لئے گناہ کا پیسہ استعمال کیا، سیلاب متاثرین کی  کوئی امداد نہیں کرنے پر تنقید کی۔

بیلگام، باگلکوٹ ، ہاویری میں سیلاب متاثرین سڑک پر ، بس اسٹانڈ میں رات گزار رہے ہیں، ان کی کونسی ذات، ان میں لنگائیت بھی ہیں۔ موجودہ حکومت پر انہیں جس طرح کا غصہ ہے وہ ریاستی وزیر جگدیش شٹر کے خلاف گھیراؤ اور نعرے بازی کے وقت ثابت ہونے کی بات کہی۔

کانگریس پر تبصرہ کرتے ہوئے کمار سوامی نے کہاکہ ریاست میں کانگریس کے کچھ لیڈران کے لئے بی جے پی سے زائد جے ڈی ایس اولین دشمن ہے، جے ڈی ایس ختم کرنے کے لئے سازش رچے جانے کا سا بق وزیر اعلیٰ سدرامیا کا نام لئے بغیر وار کیا۔